ઓસ્ટ્રેલિયા: ઓસ્ટ્રેલિયન (Australian) ક્રિકેટમાંથી (Cricket) ચોંકાવનારા સમાચાર સામે આવ્યા છે. ઓસ્ટ્રેલિયાના ફાંકડા ઓપનિંગ બેટ્સમેન અને કેપ્ટન એરોન ફિંચે વન-ડે ક્રિકેટમાંથી રિટાયરમેન્ટની (Retirement) ઘોષણા કરી છે. એકાએક એરોન ફિન્ચે (Aaron Finch) કરેલી આ જાહેરાતને પગલે ક્રિકેટ વિશ્વ સ્તબ્ધ થઈ ગયું છે. આવતીકાલે રવિવારે ન્યૂઝીલેન્ડ સામે રમાનારી મેચ તેની છેલ્લી વન ડે મેચ બનશે.
ઓસ્ટ્રેલિયન બેટ્સમેન એરોન ફિન્ચે ODI ક્રિકેટમાંથી નિવૃત્તિ જાહેર કરી છે. વાસ્તવમાં, ઑસ્ટ્રેલિયન ક્રિકેટ ટીમના ODI અને T20 કેપ્ટન એરોન ફિન્ચે શનિવારે સવારે 10:30 વાગ્યે (ભારતીય સમય મુજબ સવારે 5 વાગ્યે) મીડિયાને સંબોધિત કરતી વખતે આ જાહેરાત કરી છે. તે રવિવારે કેર્ન્સમાં ન્યૂઝીલેન્ડ સામે તેની 146મી અને અંતિમ વન-ડે ઈન્ટરનેશનલ (ODI) મેચ રમશે. જોકે તે T20 ક્રિકેટ રમવાનું ચાલુ રાખશે. તમને જણાવી દઈએ કે ફિન્ચની કેપ્ટન્સીમાં ઓસ્ટ્રેલિયાએ 2021નો T20 વર્લ્ડ કપ જીત્યો હતો. ત્યારબાદ ઓસ્ટ્રેલિયાએ ન્યુઝીલેન્ડને હરાવીને આ ખિતાબ જીત્યો હતો. ફિન્ચે તેની કારકિર્દીમાં અત્યાર સુધી 5 ટેસ્ટ મેચ, 145 વનડે અને 92 ટી20 મેચ રમી છે. ફિન્ચ ખરાબ ફોર્મમાં ચાલી રહ્યો છે.
નોંધનીય છે કે એરોન ફિન્ચ છેલ્લા કેટલાક સમયથી ખૂબ જ ખરાબ ફોર્મમાં ચાલી રહ્યો છે. તેણે આ વર્ષે 13 વનડેમાં માત્ર 13ની એવરેજથી રન બનાવ્યા છે. આ સાથે જ તે 5 વખત શૂન્ય પર આઉટ થયો છે. ન્યુઝીલેન્ડ સામેની બીજી વનડેમાં પણ ફિન્ચ શૂન્ય પર આઉટ થયો હતો અને આ સાથે જ એક અનિચ્છનીય રેકોર્ડ તેના નામે થઈ ગયો છે. વાસ્તવમાં, ફિન્ચ એક કેલેન્ડર વર્ષમાં સૌથી વધુ શૂન્ય પર આઉટ થનાર ઓસ્ટ્રેલિયન કેપ્ટન બની ગયો છે.
આ ફિન્ચનો ક્રિકેટ રેકોર્ડ છે તેના ક્રિકેટ રેકોર્ડની વાત કરીએ તો તેણે પાંચ ટેસ્ટ મેચ રમી છે. પરંતુ વનડે અને ટી20માં તેનું પ્રદર્શન સારું રહ્યું છે. ફિન્ચે 145 વનડેમાં 17 સદી અને 30 અડધી સદી ફટકારી છે. જેમાં તેણે 39ની એવરેજથી 5401 રન બનાવ્યા છે. તે જ સમયે, T20 ક્રિકેટમાં તેના નામે બે સદી અને 17 અડધી સદી સામેલ છે. તેણે ટી20માં 2855 રન બનાવ્યા છે. આ સિવાય ફિન્ચે IPLમાં 92 મેચ રમીને 2091 રન બનાવ્યા છે. તેણે આઈપીએલમાં 15 અર્ધસદી ફટકારી છે.
