નવી દિલ્હીઃ એપલ કંપનીએ iPhone 16 સિરીઝ લોન્ચ કરી છે. કંપનીએ iPhone 16, iPhone 16 Plus, iPhone 16 Pro અને iPhone 16 Pro Max લૉન્ચ કર્યા છે. નવી સીરીઝના લોન્ચ સાથે કંપનીએ કેટલાક જૂના ફોન બંધ કરી દીધા છે. પ્રો અને સ્ટાન્ડર્ડ બંને વેરિઅન્ટ્સ આ લિસ્ટમાં સામેલ છે.
દર વર્ષે નવા ફોન લોન્ચ કરવાની સાથે એપલ કંપની કેટલાક જૂના મોડલને બંધ કરે છે. આ વખતે કંપનીએ iPhone 13, iPhone 15 Pro અને iPhone 15 Pro Max મોડલ બંધ કરી દીધા છે. આ સાથે કંપનીએ પોતાની વેબસાઈટ પરથી કેટલીક એસેસરીઝ પણ હટાવી દીધી છે.
આ iPhone મોડલ બંધ કરી દેવામાં આવ્યા છે
એપલ કંપનીએ મેગાસેફ વૉલેટનું ફાઈનવૂવન વર્ઝન હટાવી દીધું છે. Appleએ FineWoven કેસ પણ બંધ કરી દીધો છે. આ એક્સેસરીઝ ઉપરાંત એપલ કંપનીએ તેની સત્તાવાર વેબસાઇટ પરથી ત્રણ ફોન – iPhone 13, iPhone 15 Pro અને iPhone 15 Pro Max હટાવ્યા છે.
ભલે આ ફોન એપલની સત્તાવાર વેબસાઇટ પર ઉપલબ્ધ નહીં હોય પણ તમે તેને એપલના અધિકૃત સ્ટોર્સ, ઈ-કોમર્સ પ્લેટફોર્મ્સ અને અન્ય રિટેલ સ્ટોર્સ પરથી ખરીદી શકશો. જ્યાં સુધી છેલ્લો સ્ટોક રહે ત્યાં સુધી આ ફોનનું વેચાણ ચાલુ રહેશે. જોકે, તમારે જૂના આઈફોન્સમાં કેટલીક બાબતોનું ધ્યાન રાખવું પડશે.
તમને એપલ ઈન્ટેલિજન્સનો સપોર્ટ ફક્ત iPhone 15 Pro અને iPhone 15 Pro Maxમાં જ મળશે. તમને iPhone 16 સિરીઝના તમામ સ્માર્ટફોનમાં એપલ ઈન્ટેલિજન્સનો સપોર્ટ મળશે.
iPhone 16માં શું છે ખાસ?
એપલ iPhone 16માં ડિઝાઇનથી લઈને પ્રોસેસર સુધી ઘણા નવા ફેરફારો કર્યા છે. iPhone 16માં 6.1-ઇંચની સુપર રેટિના XDR ડિસ્પ્લે છે. આમાં તમને એપલ ઈન્ટેલિજન્સનું ફીચર મળશે. આ ઉપકરણ A18 ચિપ સાથે આવે છે. આમાં તમને કેમેરા કંટ્રોલ માટે કેપ્ચર બટન આપવામાં આવ્યું છે. આ સિવાય તમને સ્ટાન્ડર્ડ વેરિઅન્ટમાં એક્શન બટન પણ મળશે. આ સ્માર્ટફોનમાં 48MP અને 12MPનો ડ્યુઅલ રિયર કેમેરા સેટઅપ છે. ફ્રન્ટમાં, કંપનીએ 12MP TrueDepth કેમેરા આપ્યો છે. આમાં તમને ટાઇપ-સી ચાર્જિંગ પોર્ટ પણ મળશે.
