બ્રિટનના રાજા ચાર્લ્સ ત્રીજાના નાના ભાઈ અને ભૂતપૂર્વ પ્રિન્સ એન્ડ્રુ માઉન્ટબેટનની ધરપકડ કરવામાં આવી છે. તેમનું નામ તાજેતરમાં યુએસ એપ્સટિન ફાઇલ્સમાં સામે આવ્યું છે. બીબીસીના અહેવાલ મુજબ બ્રિટિશ પોલીસે તેમને પદનો દુરુપયોગ કરવાની શંકાના આધારે તેમની ધરપકડ કરી છે.
જાહેર પદ સંભાળતી વખતે ગેરવર્તણૂકની શંકાના આધારે તેમની ધરપકડ કરવામાં આવી હતી. બીબીસીના અહેવાલ મુજબ ગુરુવારે સવારે 8 વાગ્યાની આસપાસ તેમના ઘરેથી તેમની ધરપકડ કરવામાં આવી હતી. એપ્સટિન કેસની પીડિતા વર્જિનિયા ગિફ્રેએ આરોપ લગાવ્યો હતો કે પ્રિન્સ એન્ડ્રુએ 2001માં જ્યારે તેણી 17 વર્ષની હતી ત્યારે તેમનું જાતીય શોષણ કર્યું હતું. જોકે એન્ડ્રુએ તમામ આરોપોને નકારી કાઢ્યા છે.
તેમણે વર્જિનિયા ગિફ્રેના આરોપોને પણ નકારી કાઢ્યા હતા જેણે દાવો કર્યો હતો કે એપ્સટિનએ તેણીને એન્ડ્રુ પાસે મોકલી હતી. ગિફ્રેનું એપ્રિલ 2025 માં આત્મહત્યા દ્વારા મૃત્યુ થયું. ગયા વર્ષના ઓક્ટોબરમાં બ્રિટનના રાજા ચાર્લ્સે તેમના નાના ભાઈ એન્ડ્રુ પાસેથી “પ્રિન્સ” નું બિરુદ અને તમામ શાહી પદવીઓ છીનવી લીધી હતી. તેમને વિન્ડસરમાં આવેલ તેમના વૈભવી નિવાસસ્થાન, “રોયલ લોજ” ખાલી કરવાનો પણ આદેશ આપવામાં આવ્યો હતો.
65 વર્ષીય એન્ડ્રુ સ્વર્ગસ્થ રાણી એલિઝાબેથના બીજા પુત્ર છે. એન્ડ્રુનું નામ લાંબા સમયથી અમેરિકન ગુનેગાર જેફરી એપ્સ્ટેઇન સાથે જોડાયેલું છે. એન્ડ્રુને ડ્યુક ઓફ યોર્કનું બિરુદ વાપરવાથી પણ પ્રતિબંધિત કરવામાં આવ્યો હતો. તેમના શાહી પદવીઓ છીનવી લેવામાં આવ્યા પછી પ્રિન્સ એન્ડ્રુ હવે “એન્ડ્રુ માઉન્ટબેટન-વિન્ડસર” તરીકે ઓળખાય છે. અગાઉ એન્ડ્રુ “પ્રિન્સ એન્ડ્રુ, ડ્યુક ઓફ આર્ક” તરીકે ઓળખાતા હતા.
