નવી દિલ્હી: અનંત અંબાણી (Anant Ambani) અને રાધિકા મર્ચન્ટ (Radhika Merchant) ગઇકાલે લગ્નના બંધનમાં બંધાઈ ગયા છે. ત્યારે લગ્નના શુભ મુહૂર્તમાં દેશ અને દુનિયાની જાણીતી હસ્તીઓ હાજર રહી હતી. તેમજ યાદગાર લગ્ન સમારોહના સાક્ષી બનેલા મહેમાનોમાં ઉદ્યોગ, રાજકારણ, ફિલ્મ અને રમતગમતના સ્ટાર્સ સામેલ હતા. આ સાથે જ લગ્નની દરેક વ્યવસ્થા ખૂબ જ ખાસ હતી.
શુક્રવારે રાધિકા અને અનંતએ મુંબઈના Jio વર્લ્ડ કન્વેન્શન સેન્ટરમાં સાત ફેરા લીધા હતા. જેમાં દેશ અને દુનિયાની હસ્તીઓએ ભાગ લીધો હતો. ત્યારે અનંત-રાધિકાના લગ્નની શરૂઆત વરમાળાથી થઇ હતી. જેનો વીડિયો સોશિયલ મીડિયા પર ખુબ વાઇરલ થયો છે. હવે ત્યારે વરમાળા બાદ રંગેચંગે અનંત અને રાધિકા લગ્નજીવનમાં બંધાયા હતા. તેમજ હવે આજે અને કાલે બે દિવસ આ જોડાની અન્ય વિધિઓ કરવામાં આવશે. જેમાં આજે આશિર્વાદ વિધિ કાર્યક્રમ અને આવતી કાલે રિસેપ્શનનું આયો જન કરવામાં આવ્યું હતું.
અનંત રાધિકાના લગ્નની મેજીક મોમેન્ટ્સ
લગ્નના દિવસે જાન દરમિયાન વરરાજા તેના પરિવારના સભ્યો સાથે ડ્રમના તાલે નાચતા મળ્યા હતા. તો બોલિવૂડ અને હોલીવુડની હસ્તીઓ પણ ઝૂમ્યા હતા. આ દરમિયાન અનંત-રાધિકાનો એક વીડિયો સામે આવ્યો છે, જેણે દરેકનું દિલ જીતી લીધું છે. અસલમાં આ વીડિયોમાં અનંત-રાધિકા ખુશીથી હગ કરતા જોવા મળે છે. ત્યારે તેમની આ મોમેન્ટને મોમેન્ટ ઓફ ધ ડે તરીકે પણ જોવામાં આવી રહી છે.
શાહરૂખ ખાને નીતા-મુકેશ અંબાણી સાથે ડાન્સ કર્યો
રિલાયન્સ ઇન્ડસ્ટ્રીઝ લિમિટેડના ચેરમેન અને એમડી મુકેશ અંબાણીના નાના પુત્ર અનંત અંબાણી અને રાધિકા મર્ચન્ટના લગ્નમાં સ્ટાર્સે ખૂબ જ ધૂમ મચાવી હતી. ત્યારે શાહરૂખ ખાનનો એક વીડિયો પણ વાયરલ થઈ રહ્યો છે, જેમાં તેઓ નીતા અંબાણી અને મુકેશ અંબાણી સાથે ડાન્સ કરતા જોવા મળી રહ્યા છે.
વેડિંગમાં બંગાળથી દીદી પણ પહોંચ્યા હતા
મમતા બેનર્જી પણ અનંત-રાધિકાને આશીર્વાદ આપવા લગ્ન સ્થળે પહોંચ્યા હતા. જેનો વીડિયો પણ સોશિયલ મીડિયા પર ઝડપથી વાયરલ થઈ રહ્યો છે. આ સાથે જ એવી માહિતી પણ સામે આવી હતી કે અનંત-રાધિકાના રિસેપ્શનમાં વડાપ્રધાન મોદી પણ હાજરી આપશે. તેમજ કપલને આશિર્વાદ આપશે.
દિકરાના લગ્નમાં નીતા અંબાણીની ખાસ મહેંદી બની અટેંશનનું સેન્ટર
નીતા અંબાણીની મહેંદીનો વીડિયો ઝડપથી વાયરલ થઈ રહ્યો છે, જેમાં તેઓએ ખાસ ડિઝાઈન સમજાવીહતી. નીતાએ પોતાની મહેંદીમાં અનંત-રાધિકાનું નામ લખ્યું હતું. તેમણે પોતાના બીજા હાથમાં આકાશ અને શ્લોકાના નામ લખ્યા હતા. એટલું જ નહીં, નીતાએ પોતાની હથેળી પર બનાવેલી રાધા-કૃષ્ણની ડિઝાઈન અટેંશનનું સેન્ટર બન્યું હતું.
મુકેશ અંબાણી- અનંત અંબાણીની સાફા વિધિ
અનંત-રાધિકાના લગ્નમાં અનેક મેજીકલ મોમેન્ટ્સ જોવા મળી હતી. જે પૈકી એક સાફા વિધિ પણ હતી. જેનો એક વીડિયો વાયરલ થઈ રહ્યો છે, જેમાં અનંતના માતા-પિતા તેને પાઘડી પહેરાવી રહ્યા છે. આ સાથે જ વીડિયોમાં બાકીના મહેમાનો પણ પાઘડી પહેરતા જોવા મળે છે. આ સાથે જ અંબાણી કરિવાર પણ ખુશીથી ઝૂમી રહ્યો છે.
અનંત-રાધિકાની લગ્ન પછીની વિધિઓ
તમને જણાવી દઈએ કે 12 જુલાઈ 2024ના રોજ અનંત અંબાણી અને રાધિકા મર્ચન્ટે Jio વર્લ્ડ કન્વેન્શન સેન્ટરમાં સાત ફેરા લીધા હતા. આટલું જ નહીં, આ લગ્નનો કાર્યક્રમ 13 જુલાઈ અને 14 જુલાઈએ પણ ચાલુ જ રહેશે, જેમાં બીજી ઘણી બધી વિધિઓ જેવી કે આશિર્વાદ વિધિ અને રિસેપ્શન પૂર્ણ થશે.
