વડોદરા : એમ એસ યુનિ ની ટી. વાય. બી. કોમ. માં અભ્યાસ કરતી વિધાર્થીની હિતાક્ષી પરીક્ષા આપવા આવી રહી હતી ત્યારે યુવતીને અકસ્માત થતા તે પાટા પીંડી કરીને પરીક્ષા આપવા આવી હતી . મોડું થયું હોવાથી સત્તાધીશો દ્વારા તેને પરીક્ષામાં બેસવા દેવામાં ન આવતા તેનું આખું વર્ષ બગડે તેવો વારો આવ્યો છે.વિધાર્થીની અકસ્માત માં ગંભીર રીતે ઇજાગ્રસ્ત હોવા છતાં આંખમાં આંસુ સાથે સત્તાધીશો ને કહ્યું કે મને ખાલી 1 કલાક પરીક્ષામાં બેસવા દો હું પાસ થઈ જઇશ પરીક્ષા નહિ આપુ તો મારુ કેરીયર બગડી જશે. પરંતુ નિયમોને આધીન સમય પૂરો થયો હોવાથી તેને પરીક્ષામાં બેસવા દેવાઈ ન હતી.મનીષા ચોકડી પાસે અચાનક કૂતરું આવી જતાં તેનો અકસ્માત થયો હતો અને તેને મો ના ભાગે અને પગ ના ભાગે ગંભીર ઈજાઓ પહોંચી હતી, હિતાક્ષીને મોઢાના ભાગે કુલ 9 ટકા આવ્યા હતા.
સાથે પગે થી ચલાય તેવી પરિસ્થિતિ પણ ન હતી, છતાંય હિતાક્ષી તેની માતાને બોલાવી ડોકટરી દવા કરાવી જેમતેમ પોતાની પરીક્ષા આપવા કોમર્સની યુનિટ બિલ્ડિંગ પર પહોંચી હતી, પરંતુ કમનસીબે કોમર્સના પ્રોફેસરો દ્વારા વિદ્યાર્થીની ને બેસવા દેવામાં આવી ન હતી, દીકરી ત્યાં રડી રડી ખાલી 1 કલાક પરીક્ષામાં બેસવા દો હું પાસ થઈ જઇશ મારુ કેરીયર બગડી જશે તો પણ પ્રોફેસર ના પેટનું પાણી હલ્યું ન હતું. આ મુદ્દે કોમર્સ ફેકલ્ટી ના વાઇસ ડીન કલ્પેશ શાહ દ્વારા પરીક્ષાના નિયમો મીડિયા સમક્ષ રજુ કર્યા હતાં , તેમનું કહેવું છે કે 30 મિનિટ બાદ કોઈને પણ પરીક્ષામાં બેસવા દેવામાં આવે નહિ તેવો નિયમ છે,તે રીતે તેમને પોતાનો અને ડીન નો લૂલો બચાવ કર્યો હતો…
