નવી દિલ્હીઃ સંસદનું શિયાળુ સત્ર ચાલી રહ્યું છે અને અનેક મુદ્દાઓને લઈને ગૃહમાં રોજેરોજ હોબાળો જોવા મળી રહ્યો છે. આજે પણ વિપક્ષી પાર્ટીઓએ અદાણી મુદ્દે સંસદમાં વિરોધ કર્યો હતો અને શાસક પક્ષના નેતાઓને ફૂલ અને ત્રિરંગો આપવાની વાત કરી હતી. લોકસભામાં વિપક્ષના નેતા રાહુલ ગાંધીએ કહ્યું, સ્પીકર સાથે બેઠક થઈ હતી અને અમે ઓમ બિરલાને કહ્યું હતું કે અમે ગૃહ ચલાવવા માંગીએ છીએ.
રાહુલે કહ્યું, ભાજપ આક્ષેપો કરતું રહે છે પરંતુ અમે ભાજપની ઉશ્કેરણી છતાં ગૃહ ચલાવવા માંગીએ છીએ. અમે દરેક રીતે ચર્ચા ઇચ્છીએ છીએ પછી ભલે તેઓ મારા વિશે કંઈ પણ કહે પરંતુ અમે ચર્ચા ઈચ્છીએ છીએ.
તેમણે વધુમાં કહ્યું હતું કે, ભાજપ અદાણીના મુદ્દા પરથી ડાઈવર્ટ કરવા માંગે છે. ભાજપ સોરોસ સામે આક્ષેપો કરતી રહેશે પરંતુ હું કહું છું કે આરોપોથી અમને કોઈ ફરક નથી પડતો. ગૃહ ચલાવવાની અમારી જવાબદારી નથી, તે પછી પણ અમે કહી રહ્યા છીએ કે ગૃહને જવા દો.
કોંગ્રેસનો અનોખો વિરોધ આ પહેલા રાહુલ ગાંધીએ સંસદ સંકુલમાં અદાણી મુદ્દે પોતાનો વિરોધ વ્યક્ત કરવા સંરક્ષણ મંત્રી રાજનાથ સિંહને ગુલાબના ફૂલ અને ત્રિરંગો અર્પણ કર્યો હતો. રાજનાથ સિંહ સંસદમાં પ્રવેશવા માટે તેમની કારમાંથી નીચે ઉતર્યા કે તરત જ રાહુલ ગાંધી અને અન્ય કોંગ્રેસી નેતાઓ તેમની પાસે આવ્યા અને તેમને ગુલાબના ફૂલ અને ત્રિરંગો અર્પણ કર્યો.
આ ઘટના સંસદની બહાર વિપક્ષના વિરોધ દરમિયાન બની હતી, જેમાં કેન્દ્ર સરકાર પર અમેરિકામાં અદાણી સામેના લાંચના આરોપો પર ચર્ચા ટાળવાનો આરોપ મૂકવામાં આવ્યો હતો.
