જ્યારથી અફઘાનિસ્તાનમાં (Afghanistan) તાલિબાન સરકાર સત્તામાં આવી છે ત્યારથી મહિલાઓના (Women) અધિકારો અને સ્વતંત્રતાનું ઉલ્લંઘન કરવામાં આવી રહ્યું છે. આ શ્રેણીમાં તાલિબાને વધુ એક પ્રતિબંધનો આદેશ જારી કર્યો છે. આ ફરમાન પુરૂષો વિના જીવતી સ્ત્રીઓ માટે છે. રિપોર્ટ અનુસાર જો કોઈ મહિલા પાસે પુરૂષ ગાર્ડિયન ન હોય તો અફઘાનિસ્તાનની તાલિબાન સરકારે આવી મહિલાઓને મુસાફરી કરવા અને મેડિકલ સેન્ટર્સમાં તેમના પ્રવેશ પર પ્રતિબંધ મૂક્યો છે.
જ્યારથી તાલિબાને અફઘાનિસ્તાનમાં સત્તા સંભાળી છે ત્યારથી તે ત્યાંના લોકો, ખાસ કરીને મહિલાઓ માટે તુગલકી આદેશો જારી કરી રહ્યું છે. આ સંદર્ભમાં તાલિબાને એકલી રહેતી મહિલાઓ માટે ફરમાન બહાર પાડ્યું છે. તાલિબાને કહ્યું છે કે પુરુષ સાથી વિનાની મહિલાઓ એટલે કે એકલી મહિલાઓ કે જેઓ તેમના પતિ કે ભાઈ સાથે રહેતી નથી તેમના પર મુસાફરી કરવા અને તબીબી કેન્દ્રોમાં કામ કરવા પર પ્રતિબંધ મૂકવામાં આવ્યો છે.
અહેવાલમાં એક ઘટનાનું વર્ણન કરવામાં આવ્યું છે જેમાં અફઘાનિસ્તાનના આચાર મંત્રાલયના અધિકારીઓએ એક મહિલાને સલાહ આપી હતી કે જો તેણી આરોગ્ય સંભાળ કેન્દ્રમાં નોકરી ચાલુ રાખવા માંગતી હોય તો લગ્ન કરી લે. કારણ કે પરિણીત ન હોય તેવી સ્ત્રી માટે કામ કરવું યોગ્ય નથી.
2021માં જ્યારથી તાલિબાન સરકાર સત્તામાં આવી છે ત્યારથી અફઘાનિસ્તાનની મહિલાઓની ખરાબ સ્થિતિ શરૂ થઈ ગઈ છે. જ્યારે તાલિબાને સરકાર બનાવી ત્યારે તેણે વચન આપ્યું હતું કે તે 20 વર્ષ જૂના તાલિબાન જેવું નહીં પરંતુ મધ્યમ તાલિબાન હશે. પરંતુ આવું થઈ રહ્યું નથી તાલિબાન સતત ત્યાંના લોકો ખાસ કરીને મહિલાઓની સ્વતંત્રતા અને સુરક્ષાને લગતા મુદ્દાઓ સામે તેના હુકમો જારી કરવાનું ચાલુ રાખે છે. તાલિબાન પહેલેથી જ શિક્ષણ બંધ કરવા, ક્યારેક રેડિયો સ્ટેશન, ક્યારેક બ્યુટી પાર્લર બંધ કરવા જેવા આદેશો જારી કરી ચૂક્યા છે.
યુએનએ પણ તાલિબાનની નિંદા કરી
છઠ્ઠા ધોરણ પછી મહિલાઓના અભ્યાસ પર પ્રતિબંધ, બ્યુટી પાર્લર બંધ કરવા અને મહિલાઓના કપડા પહેરવા સંબંધિત ઘણા નિયમોના કારણે પાકિસ્તાનમાં મહિલાઓની સ્થિતિ દયનીય બની રહી છે. આ મામલે યુએનએ પોતે ઘણી વખત તાલિબાનના આદેશોની નિંદા કરી છે. તાલિબાન હિજાબ ન પહેરતી મહિલાઓની ધરપકડ કરે છે. 2022ના આદેશ અનુસાર હિજાબ પહેરેલી મહિલાઓની માત્ર આંખો જ દેખાતી હોવી જોઈએ. અગાઉના તાલિબાન શાસન દરમિયાન 1996 અને 2001 વચ્ચે સમાન હુકમ અમલમાં હતો.
