બોલિવૂડ એક્ટર રાજપાલ યાદવના પિતાનું દિલ્હીમાં નિધન થયું છે. કહેવામાં આવી રહ્યું છે કે તેઓ છેલ્લાં કેટલાંક દિવસોથી બીમાર હતા. પિતાની તબિયત બગડતાં રાજપાલને તેની વર્ક ટ્રીપ પરથી પરત ફરવું પડ્યું હતું. રાજપાલ યાદવ કામ અર્થે થાઈલેન્ડ ગયો હતો.
રિપોર્ટ્સ અનુસાર રાજપાલના પિતા દિલ્હીની AIIMS હોસ્પિટલમાં સારવાર લઈ રહ્યા હતા. અહીં જ તેમણે અંતિમ શ્વાસ લીધા હતા. રાજપાલ યાદવના પિતા નથી રહ્યા પિતાના અવસાન બાદ અભિનેતાની એક જૂની સોશિયલ મીડિયા પોસ્ટ વાયરલ થઈ છે. આ ઈમોશનલ પોસ્ટમાં રાજપાલ યાદવ તેના પિતા સાથે જોવા મળી શકે છે.
તેણે કેપ્શનમાં લખ્યું, મારા પિતા મારા જીવનમાં મને પ્રોત્સાહિત કરનાર સૌથી મોટા વ્યક્તિ હતા. જો તમે મારામાં વિશ્વાસ ન કર્યો હોત તો હું આજે જે છું તે ન હોત. મારા પિતા હોવા બદલ આભાર. હું તને પ્રેમ કરું છું. રાજપાલ યાદવના ચાહકો પણ પિતાના નિધનના સમાચારથી દુઃખી છે. અભિનેતાને ઘણા યુઝર્સ તરફથી સંવેદનાઓ મળી રહી છે.
રાજપાલ યાદવને ધમકી મળી હતી
થોડા દિવસો પહેલા સમાચાર આવ્યા હતા કે રાજપાલ યાદવને જાનથી મારી નાંખવાની ધમકીઓ મળી રહી છે. અભિનેતાને ધમકીભર્યા ઈ-મેલ મળ્યા હતા. કહેવામાં આવ્યું હતું કે આ ધમકી તેને પાકિસ્તાનથી આવી હતી. અભિનેતાએ આ અંગે મુંબઈ પોલીસને પણ ફરિયાદ કરી હતી.
એક એજન્સી સાથે વાત કરતી વખતે રાજપાલે કહ્યું હતું કે તેણે પોલીસ અને સાયબર ક્રાઈમ વિભાગને ધમકી અંગે ચેતવણી આપી છે. તેણે કહ્યું હતું કે તે આ મામલે વધારે વાત કરી શકે તેમ નથી. મામલાની તપાસ ચાલી રહી છે.
આ ફિલ્મોમાં જોવા મળશે રાજપાલ યાદવના પ્રોજેક્ટ્સની વાત કરીએ તો તે છેલ્લે ફિલ્મ ‘બેબી જોન’માં જોવા મળ્યો હતો. આ સિવાય તેણે ‘ભૂલ ભુલૈયા 3’ અને ‘ચંદુ ચેમ્પિયન’ ફિલ્મમાં પણ કામ કર્યું હતું. હાલમાં રાજપાલ યાદવ અક્ષય કુમારની ફિલ્મ ‘વેલકમ ટુ ધ જંગલ’ અને ‘આંખ મિચોલી 2’માં કામ કરી રહ્યો છે.
