મુંબઈઃ જાણીતા ટીવી એક્ટર નીતિન ચૌહાણનું આજે તા. 8 નવેમ્બર 2024ના રોજ મોત થયું છે. રિયાલિટી શો દાદાગીરી-2 ના વિજેતા પ્રખ્યાત ટીવી અભિનેતા નીતિન ચૌહાણનું ગુરુવારે મુંબઈમાં અવસાન થયું. તે માત્ર 35 વર્ષનો હતો. નીતિન યુપીના અલીગઢ જિલ્લાનો રહેવાસી હતો.
શો દાદાગીરી 2 ઉપરાંત નીતિને સ્પ્લિટ્સવિલાની સીઝન 5 પણ જીતી હતી. અભિનેતાએ કોઈ અકળ કારણોસર આપઘાત કર્યો હોવાની પ્રાથમિક માહિતી સામે આવી છે. આ જાણકારી નીતિનના પૂર્વ કો-સ્ટારે એક પોસ્ટ દ્વારા આપી છે.
એક્ટર નીતિન યુપીના અલીગઢનો રહેવાસી હતો અને તેણે રિયાલિટી શો ‘દાદગીરી 2’ જીતીને ફેમસ થયો હતો. આ સિવાય તેણે પોતાના અભિનય દ્વારા દર્શકોમાં પોતાનું એક ખાસ સ્થાન બનાવ્યું હતું. નીતિને ‘ઝિંદગી ડોટ કોમ’, ‘ક્રાઈમ પેટ્રોલ’ અને ‘ફ્રેન્ડ્સ’ જેવા ટીવી શોમાં પણ કામ કર્યું હતું અને ‘ક્રાઈમ પેટ્રોલ’થી તેને ઘણી લોકપ્રિયતા મળી હતી.
આ ટીવી સિરિયલના તેના સહ કલાકારો સુદીપ સાહિર અને સયંતની ઘોષે તેના નિધનના સમાચારની પુષ્ટિ કરી છે, પરંતુ એમ પણ કહ્યું છે કે તેમની પાસે વધુ માહિતી નથી. તેની ભૂતપૂર્વ કો-સ્ટાર વિભૂતિ ઠાકુરની પોસ્ટ અનુસાર નીતિને કથિત રીતે આત્મહત્યા કરી લીધી છે.
મીડિયા રિપોર્ટ્સ અનુસાર અભિનેતાના મૃત્યુના સમાચાર મળતાં જ તેમના પિતા મુંબઈ પહોંચી ગયા છે અને તેમના મૃતદેહને અલીગઢ પરત લઈ જશે. હાલમાં આ અંગે પોલીસ તરફથી કોઈ નિવેદન બહાર આવ્યું નથી. પોલીસ આ મામલે તપાસ કરી રહી છે.
સહકલાકારોએ શ્રદ્ધાંજલિ આપી
વિભૂતિ ઠાકુરે સ્વર્ગસ્થ અભિનેતા નીતિન સાથે પોતાની એક તસવીર શેર કરી અને લખ્યું, રેસ્ટ ઈન પીસ, માય ડિયર, હું ખરેખર હેરાન અને દુઃખી છું. કાશ, તારી પાસે તમામ મુશ્કેલીઓનો સામનો કરવાની તાકાત હોત. કાશ તું તારા શરીરની જેમ માનસિક રીતે પણ મજબૂત હોત. અભિનેતા સુદીપ સાહિરે પણ તેના સહ-અભિનેતાને ઇન્સ્ટાગ્રામ પર શ્રદ્ધાંજલિ આપી અને લખ્યું, “ રેસ્ટ ઈન પીસ, દોસ્ત.”
