વેલિંગ્ટન, તા. 05 : ઓસ્ટ્રેલિયન ટી-20 ટીમના કેપ્ટન એરોન ફિન્ચે આજે અહીં ન્યુઝીલેન્ડ સામે રમાયેલી ચોથી ટી-20માં નોટઆઉટ 78 રનની જોરદાર ઇનિંગ રમી તેની સાથે જ તે ડેવિડ વોર્નરને ઓવરટેક કરીને ઓસ્ટ્રેલિયા વતી સર્વાધિક ટી-20 ઇન્ટરનેશનલ રન કરનારો બેટ્સમેન બન્યો હતો. આ સાથે જ તે ટી-20 ઇન્ટરનેશનલમાં સર્વાધિક રન કરનારા વિશ્વના બેટ્સમેનોની યાદીમાં છઠ્ઠા ક્રમે પહોંચી ગયો હતો. ટી-20 ઇન્ટરનેશનલમાં સર્વાધિક રન કરવા મામલે વિરાટ કોહલી પહેલા તો રોહિત શર્મા બીજા સ્થાને છે. તે પછી ન્યુઝીલેન્ડનો માર્ટિન ગપ્તિલ, પાકિસ્તાનનો શોએબ મલિક અને મહંમદ હાફિઝનો નંબર આવે છે.
ટી-20 ઇન્ટરનેશનલમાં સર્વાધિક રન કરનારા ઓસ્ટ્રેલિયન ખેલાડીઓ
| ખેલાડી | મેચ | રન | સર્વોચ્ચ | સદી | અર્ધસદી |
|---|---|---|---|---|---|
| એરોન ફિન્ચ | 70 | 2310 | 172 | 2 | 14 |
| ડેવિડ વોર્નર | 81 | 2265 | 100* | 1 | 18 |
| ગ્લેન મેક્સવેલ | 71 | 1770 | 145* | 3 | 9 |
| શેન વોટ્સન | 58 | 1462 | 124* | 1 | 10 |
| કેમરન વ્હાઇટ | 47 | 984 | 85* | 0 | 5 |
