ટી-20 ફાઇનલની મજા લેવા 100થી વધુ ક્રિકેટપ્રેમીઓનો ઉમળકો
ભારત અને ન્યૂઝીલેન્ડ વચ્ચે રમાનારી ટી-20 વર્લ્ડ કપ ફાઇનલને લઈને ક્રિકેટપ્રેમીઓમાં અદભૂત ઉત્સાહ જોવા મળ્યો છે. આ ઉત્સાહનો અનોખો નજારો ત્યારે જોવા મળ્યો જ્યારે સુરતમાંથી અમદાવાદ તરફ જતી સ્પેશિયલ ટ્રેનમાં સૈંકડો ચાહકો ફાઇનલ મેચનો રોમાંચ માણવા માટે રવાના થયા.
આ સાથે જ સ્પેશિયલ ટ્રેનથી રેલવેને મોટી આવક પણ મળી છે, ટી 20 ક્રિકેટ વર્લ્ડ કપ ની ફાઇનલ મેચ રેલવે ને ફળી હોવાનું રેલવે તંત્ર નાં સૂત્રો દ્વારા જણાવાયું છે, સ્પેશિયલ ટ્રેનથી 70 લાખની આવક થઈ છે, જયારે પાંચ સ્પેશિયલ ટ્રેનોમાં 5318 ક્રિકેટ પ્રેમીઓની અમદાવાદ મુસાફરી કરી, સુરત થી મોટી સંખ્યામાં ક્રિકેટ પ્રેમી અમદાવાદ ગયા હતા અને મુંબઈ પુણે થી ટ્રેન હાઉસફુલ થઈ દોડી હતી, તમામ ટ્રેનો સો ટકા ક્ષમતા સાથે હાઉસફુલ દોડી,સ્પેશિયલ ટ્રેનો સાત અને આઠ માર્ચના રોજ દોડાવવામાં આવી હતી, ક્રિકેટપ્રેમીઓમાં એટલો ઉત્સાહ હતો કે મુસાફરી દરમિયાન જ દેશભક્તિના નારા અને ક્રિકેટ ટીમ માટે શુભેચ્છાઓ ગુંજી ઉઠી હતી.
મેચને ધ્યાનમાં રાખીને ખાસ વ્યવસ્થા રૂપે સ્પેશિયલ ટ્રેન દોડાવવામાં આવી હતી. સુરતમાંથી સવાર થતા જ આ ટ્રેનમાં ચાહકોનો ઉત્સાહ જોવા મળ્યો. વિવિધ વિસ્તારોમાંથી આવેલા યુવાનો અને પરિવારજનો એક સાથે સફર કરી રહ્યા હતા. ઘણા લોકો હાથમાં તિરંગો લઈને ભારતની જીત માટે પ્રાર્થના કરતા નજરે પડ્યા.
માહિતી મુજબ સુરતમાંથી લગભગ 100થી વધુ ક્રિકેટપ્રેમીઓ આ સ્પેશિયલ ટ્રેન દ્વારા અમદાવાદ પહોંચ્યા હતા. ટ્રેનમાં મુસાફરો માટે ખાસ સુવિધાઓની પણ વ્યવસ્થા કરવામાં આવી હતી જેથી તેઓ આરામદાયક રીતે મુસાફરી કરી શકે. મુસાફરોમાં મોટાભાગે યુવાનો અને ક્રિકેટના ઉત્સાહી ચાહકો સામેલ હતા. અમદાવાદ પહોંચ્યા બાદ તમામ ચાહકો સીધા નરેન્દ્ર મોદી સ્ટેડિયમ તરફ આગળ વધ્યા જ્યાં ફાઇનલ મેચ રમાવાની હતી. વિશ્વના સૌથી મોટા ક્રિકેટ સ્ટેડિયમમાં મેચ જોવા જવાનો ઉત્સાહ દરેકના ચહેરા પર સ્પષ્ટ જોવા મળતો હતો. ઘણા લોકો માટે આ પહેલીવાર હતું કે તેઓ સ્ટેડિયમમાં જીવંત મેચનો આનંદ માણવા જઈ રહ્યા હતા.
ક્રિકેટપ્રેમીઓએ જણાવ્યું કે ભારત ફાઇનલમાં પહોંચતા જ તેઓએ મેચ જોવા માટે પહેલેથી જ આયોજન કરી દીધું હતું. કેટલાક લોકોએ મિત્રો સાથે ગ્રુપ બનાવી મુસાફરી કરી હતી તો કેટલાક પરિવાર સાથે આવ્યા હતા. તમામમાં એક જ લાગણી હતી,ટીમ ઈન્ડિયા જીતે અને દેશનું ગૌરવ વધે.
આ રીતે સુરતથી અમદાવાદ સુધીની આ મુસાફરી માત્ર ટ્રેન સફર નહોતી, પરંતુ ક્રિકેટપ્રેમીઓ માટે એક યાદગાર અનુભવ બની રહી છે. હવે દરેકની નજર ફાઇનલ મેચ પર ટકેલી છે અને બધા જ ટીમ ઈન્ડિયાની જીત માટે આતુર છે.
