ઇન્ડિયન આઇડોલ -12 (Indian idol-12) વિજેતા પવનદીપ (Pawandeep) રાજન બોલિવૂડ (Bollywood)ના દિગ્ગજ સલમાન ખાન (Salman khan) માટે ગાવા માંગે છે. તે કહે છે કે, હું સલમાન ખાન માટે ગાવા માંગુ છું. ઇન્ડિયન આઇડોલ 12 જીત્યા બાદ પવનદીપ રાજને કહ્યું, ‘જો મને એ.આર. રહેમાન (AR rahman) અને પ્રીતમ દા (Pritam da) માટે ગાવાની તક મળે તો તે મારું સ્વપ્ન સાકાર થશે.’
પવનદીપ રાજને કહ્યું, ‘કરણ જોહરે (Karan johar) મને ધર્મા પ્રોડક્શન્સ (Dharma production) માટે એક ગીત ઓફર કર્યું છે. હું આ ગીત પૂર્ણ થવાની રાહ જોઈ રહ્યો છું. એ.આર. રહેમાને અમને પહેલેથી જ તક આપી છે અને અરુણિતા કાંજીલાલે (Arunita kanjilal) તેમના માટે બે ગીતો ગાયા છે. તે તમામ સ્પર્ધકોને મદદ કરી રહ્યા છે. ઇન્ડિયન આઇડોલ 12 જીત્યા પછી, પવનદીપે મતદાન માટે તમામ દર્શકોનો આભાર પણ માન્યો. પવનદીપ રાજન વર્સેટિલિટીથી સમૃદ્ધ છે. ગાવાની સાથે સાથે તે વિવિધ પ્રકારના વાજિંત્રો પણ વગાડે છે. વર્ષ 2015માં, તેણે ટીવી શો ‘ધ વોઇસ ઓફ ઇન્ડિયા’ જીત્યો.
પવનદીપે ગાયક હિમેશ રેશમિયાનો પણ આભાર માન્યો હતો. હું હિમેશ રેશમિયાનો આભારી છું કે તેણે મને ઇન્ડિયન આઇડોલની નવી સિઝનમાં પ્લેબેક અને જજ કરવાની તક આપી. પવનદીપે કહ્યું કે મારું સપનું સલમાન ખાન સાથે પ્લેબેક કરવાનું છે. તમને જણાવી દઈએ કે ‘ઈન્ડિયન આઈડલ 12’ માં પવનદીપની અરુણિતા કાંજીલાલ, મોહમ્મદ દાનિશ, સન્મુખ પ્રિયા, નિહાલ તારો અને સાયલી કાંબલે સાથે કઠિન સ્પર્ધા હતી.
ઉત્તરાખંડના ચંપાવતના રહેવાસી પવનદીપ રાજનનું કહેવું છે કે તે પોતાના વિસ્તારમાં એક મ્યુઝિક સ્કૂલ સ્થાપવા માંગે છે જેથી બાળકોને તેમની પ્રતિભા વધારવા માટે યોગ્ય તાલીમ આપવામાં આવે. “ટ્રોફી ઉપાડતી વખતે મને સારું લાગ્યું નહીં કારણ કે મને લાગે છે કે દરેક વ્યક્તિ સમાન રીતે લાયક છે. તેણે કહ્યું કે શોના વિજેતાની જાહેરાતની છેલ્લી ક્ષણોમાં મેં વધારે વિચાર કર્યો ન હતો. મારા મનમાં એક જ વાત હતી કે જે પણ શો જીતશે, ટ્રોફી મારા મિત્રને જશે. કારણ કે અમે બધા એક પરિવાર છીએ.
પવનદીપે કહ્યું, “અમારા બધા સ્પર્ધકોએ ભવિષ્યમાં સાથે કામ કરવાની યોજના બનાવી છે અને શો બાદ પણ અમે એકબીજાના સંપર્કમાં રહીશું. પવનદીપ રાજન એક બેન્ડના પણ સભ્ય છે. આ સિવાય પવનદીપ રાજનની વેબસાઇટ pawandeeprajan.com પણ છે. અત્યાર સુધીમાં તેણે 13 દેશો અને ભારતના 14 રાજ્યોમાં લગભગ 1200 શો કર્યા છે.
