આજે હિમાચલ પ્રદેશના મોટાભાગના ભાગોમાં વરસાદ અને બરફવર્ષાની થઈ રહી છે. ઊંચાઈવાળા વિસ્તારોમાં બરફવર્ષા ફરી શરૂ થઈ ગઈ છે. ઘણા વિસ્તારોમાં ભારે વરસાદ અને બરફવર્ષા માટે ઓરેન્જ એલર્ટ જારી કરવામાં આવ્યું છે. શિમલામાં પણ વરસાદ પડી રહ્યો છે. છેલ્લા 24 કલાક દરમિયાન ગોંડલામાં 22.0 સેમી, કુકુમસેરીમાં 21.3 સેમી, કોઠીમાં 20.0 સેમી, કોકસરમાં 19.0 સેમી, હંસા 15.0 સેમી, કીલોંગમાં 12.5 સેમી, કલ્પામાં 5.5 સેમી, સાંગલામાં 1.8 સેમી અને જોટમાં 1.0 સેમી બરફવર્ષા નોંધાઈ છે.
સલુનીમાં 9.3 સેમી, મનાલીમાં 6.0 સેમી, ટીસા અને સેઉબાગમાં 1.0 સેમી, સરાહનમાં 0.7 સેમી અને રામપુરમાં 0.6 સેમી વરસાદ પડ્યો છે. દરમિયાન રાજ્યમાં તાજેતરમાં થયેલી હિમવર્ષાને કારણે સેંકડો રસ્તાઓ અને પાવર ટ્રાન્સફોર્મર ખરાબ થઈ ગયા છે, જેના કારણે લોકોને મુશ્કેલીઓનો સામનો કરવો પડી રહ્યો છે. પ્રવાસીઓને બરફથી ઢંકાયેલા વિસ્તારોમાં મુસાફરી ન કરવાની અને સ્થાનિક વહીવટીતંત્ર દ્વારા સમયાંતરે જારી કરાયેલી સૂચનાઓનું પાલન કરવાની સલાહ આપવામાં આવી છે.
દિલ્હીમાં મોસમ બદલાયું
રાજધાની દિલ્હી અને આસપાસના વિસ્તારોમાં ભારે ઠંડી અને વરસાદે હવામાન સંપૂર્ણપણે બદલી નાખ્યું છે. ભારતીય હવામાન વિભાગ (IMD) એ પહેલાથી જ દિલ્હી માટે હવામાન ચેતવણી જારી કરી હતી અને 27 જાન્યુઆરી માટે વરસાદ માટે યલો એલર્ટ જારી કરવામાં આવ્યું હતું. મંગળવારે સવારે ધુમ્મસ અને ઝાકળ સાથે સવાર પડી ત્યારબાદ ભારે બર્ફીલા પવનો ફૂંકાયા જેના કારણે લોકો ધ્રુજી ગયા.
પશ્ચિમી વિક્ષેપની અસરને કારણે મંગળવારે દિલ્હી-NCR માં હવામાન ફરી બદલાયું છે. જોરદાર પવન શરૂ થયો છે. આ વરસાદનો આ દોર દિવસભર ચાલુ રહેવાની ધારણા છે. હવામાન વિભાગે દિલ્હી-NCR ક્ષેત્રમાં ખરાબ હવામાનની શક્યતા અંગે ચેતવણી જારી કરી છે. આ સમયગાળા દરમિયાન મધ્યમથી ભારે વરસાદ અને ભારે પવન ફૂંકાય તેવી શક્યતા છે. છેલ્લા કેટલાક દિવસોથી ભારે ઠંડી બાદ ફરી એકવાર વરસાદ અને વાવાઝોડાની આગાહી છે. હવામાન વિભાગે લોકોને સાવધાની રાખવાની સલાહ આપી છે.
