શનિવારે રાત્રે ઉત્તર પ્રદેશના બરેલીમાં બજરંગ દળના કાર્યકરોએ એક રેસ્ટોરન્ટમાં હોબાળો મચાવ્યો. એક નર્સિંગ વિદ્યાર્થીની તેના મિત્રો સાથે તેનો જન્મદિવસ ઉજવી રહી હતી. આ જૂથમાં છ છોકરીઓ અને ચાર છોકરાઓ હતા જેમાં બે મુસ્લિમ વિદ્યાર્થીઓનો સમાવેશ થાય છે.
ઉજવણી શરૂ થયાના થોડા સમય પછી બજરંગ દળના લગભગ 25 કાર્યકરો રેસ્ટોરન્ટમાં ઘૂસી ગયા અને બે મુસ્લિમ વિદ્યાર્થીઓને લવ જેહાદનો આરોપ લગાવીને માર મારવાનું શરૂ કર્યું. કાર્યકરોએ ધાર્મિંક નારા લગાવ્યા.
આ ઘટનાથી રેસ્ટોરન્ટમાં અંધાધૂંધી ફેલાઈ ગઈ જેના કારણે વિદ્યાર્થી અને તેના મિત્રો ગભરાઈ ગયા. હોબાળાની માહિતી મળતાં પોલીસ પહોંચી અને પરિસ્થિતિને કાબૂમાં લીધી. ઘટનાનો એક વીડિયો સામે આવ્યો છે જેમાં પોલીસ નર્સિંગ વિદ્યાર્થીની સાથે ઝપાઝપી કરતી જોવા મળી રહી છે.
પોલીસે માર મારવામાં આવેલા બે મુસ્લિમ વિદ્યાર્થીઓની જ અટકાયત કરી લીધી. રવિવારે પોલીસે દીપક પાઠક અને ઋષભ ઠાકુર સહિત 25 અજાણ્યા વ્યક્તિઓ સામે હુમલાનો કેસ નોંધ્યો હતો. આ ઘટના પ્રેમ નગર પોલીસ સ્ટેશન વિસ્તાર હેઠળના રાજેન્દ્ર નગરમાં એક રેસ્ટોરન્ટમાં બની હતી.
