આજે ૬ ઓક્ટોબરે સોના અને ચાંદીના ભાવ ફરી એકવાર સર્વકાલીન ઉચ્ચતમ સ્તરે પહોંચ્યા છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર ૨૪ કેરેટ સોનાના ૧૦ ગ્રામનો ભાવ ૨,૧૦૫ રૂપિયા વધીને ૧,૧૯,૦૫૯ રૂપિયા પર પહોંચ્યો છે. અગાઉ તે ૧,૧૬,૯૫૪ રૂપિયા પર હતો. ચાંદી પણ ૨,૯૪૦ રૂપિયા વધીને ૧,૪૮,૫૫૦ રૂપિયા પર પહોંચી ગઈ હતી. ગઈકાલે (રવિવારે), તે ૧,૪૫,૬૧૦ રૂપિયા પર હતી.
આ વર્ષે, સોનું ૪૩,૦૦૦ રૂપિયા અને ચાંદી ૬૨,૦૦૦ રૂપિયા મોંઘા થયા
આ વર્ષે અત્યાર સુધીમાં સોનાના ભાવ આશરે ૪૨,૮૯૭ રૂપિયા વધ્યા છે. ૩૧ ડિસેમ્બર, ૨૦૨૪ ના રોજ, ૧૦ ગ્રામ ૨૪ કેરેટ સોનાનો ભાવ ₹૭૬,૧૬૨ હતો જે હવે વધીને ₹૧,૧૯,૦૫૯ થયો છે. આ સમયગાળા દરમિયાન ચાંદીના ભાવમાં પણ ₹૬૨,૫૩૩ નો વધારો થયો છે. ૩૧ ડિસેમ્બર ૨૦૨૪ ના રોજ એક કિલોગ્રામ ચાંદીનો ભાવ ₹૮૬,૦૧૭ હતો જે હવે વધીને ₹૧,૪૫,૧૨૦ પ્રતિ કિલોગ્રામ થયો છે.
સોનું ₹૧.૫૫ લાખ સુધી પહોંચી શકે છે
ગોલ્ડમેન સૅક્સના તાજેતરના અહેવાલ મુજબ બેંકે આગામી વર્ષ સુધીમાં સોના માટે પ્રતિ ઔંસ $૫,૦૦૦નો લક્ષ્યાંક રાખ્યો છે. વર્તમાન વિનિમય દરે આ રૂપિયામાં પ્રતિ ૧૦ ગ્રામ આશરે ₹૧,૫૫,૦૦૦ થશે. બ્રોકરેજ ફર્મ પીએલ કેપિટલના ડિરેક્ટર સંદીપ રાયચુરાએ જણાવ્યું હતું કે સોનું પ્રતિ ૧૦ ગ્રામ ₹૧,૪૪,૦૦૦ સુધી પહોંચી શકે છે.
