મરાઠા અનામત આંદોલનના નેતા મનોજ જરંગેએ ભૂખ હડતાલ સમેટી લીધી છે. સાથેજ તેમણે જીતનો દાવો કર્યો છે. આજે એક સરકારી પ્રતિનિધિમંડળ મનોજ જરંગેને મળ્યું હતું. જરંગેએ જીતનો દાવો કર્યો છે. તેમણે એમ પણ કહ્યું કે સરકારે અમારી માંગણીઓ સ્વીકારી લીધી છે. મનોજ જરંગેએ ભૂખ હડતાળ પાછી ખેંચવાની પણ જાહેરાત કરી છે.
મંગળવારે મુંબઈના આઝાદ મેદાનમાં આમરણાંત ઉપવાસ ચાલુ રાખવા બદલ બોમ્બે હાઈકોર્ટે મરાઠા આંદોલનના નેતા મનોજ જરાંગેને ઠપકો આપ્યો હતો. કોર્ટે જરાંગે અને તમામ પ્રદર્શનકારીઓને આજે બપોરે 3 વાગ્યા પહેલા આઝાદ મેદાન ખાલી કરવાનો આદેશ આપ્યો હતો.
સરકારે કેટલીક શરતો પર સંમતિ આપી છે. સરકારે જાહેરાત કરી હતી કે હૈદરાબાદ ગેઝેટિયર લાગુ કરવામાં આવશે. આનો અર્થ એ થયો કે મરાઠાઓને કુણબી તરીકે ઓળખવામાં આવશે. તમને જણાવી દઈએ કે મહારાષ્ટ્રમાં કુણબીઓનો સમાવેશ પહેલાથી જ OBC શ્રેણીમાં કરવામાં આવ્યો છે તેથી તેમને અનામતનો લાભ મળશે. સરકારે સતારા ગેઝેટિયર પર સમય માંગ્યો છે. મંત્રી શિવેન્દ્ર રાજે ભોસલેએ આ કાર્યની જવાબદારી લીધી છે. સરકારે અંતરવલી સરાતીમાં આંદોલનકારીઓ સામે દાખલ કરાયેલો કેસ પાછો ખેંચવા સંમતિ આપી છે. આ એ જ જગ્યા છે જ્યાં આંદોલનકારીઓ અને પોલીસ વચ્ચે અથડામણ થઈ હતી.
આ પહેલા કાર્યકારી મુખ્ય ન્યાયાધીશ (ACJ) શ્રી ચંદ્રશેખર અને ન્યાયાધીશ આરતી સાઠેની બેન્ચે કહ્યું હતું કે જો આઝાદ મેદાન બપોરે 3 વાગ્યા સુધીમાં ખાલી નહીં થાય તો પ્રદર્શનકારીઓ સામે કડક દંડ, કોર્ટના તિરસ્કારની કાર્યવાહી અને અન્ય કાર્યવાહી કરવામાં આવશે.
બોમ્બે હાઈકોર્ટના આદેશ પછી DCP ઝોન 1, પ્રવીણ મુંડે અને અન્ય પોલીસ અધિકારીઓ આઝાદ મેદાન પહોંચ્યા હતા જેથી વિસ્તાર ખાલી કરી શકાય. મરાઠા અનામત આંદોલનના કાર્યકર્તા મનોજ જરાંગે પાટિલ અહીં ભૂખ હડતાળ પર હતા અને તેમના સમર્થકો પણ હાજર હતા.
આજે સવારે મુંબઈ પોલીસે પાટિલને નોટિસ ફટકારી હતી, જેમાં કહેવામાં આવ્યું હતું કે તેમણે કોર્ટ અને પોલીસ દ્વારા નક્કી કરાયેલી શરતોનું ઉલ્લંઘન કર્યું છે. આઝાદ મેદાન પોલીસે તેમની કોર કમિટીને નોટિસ ફટકારી હતી અને શક્ય તેટલી વહેલી તકે મેદાન ખાલી કરવાનો નિર્દેશ આપ્યો હતો.
ACJ એ કહ્યું – તમે હાઈકોર્ટના જજને ફક્ત એટલા માટે પગપાળા કોર્ટ પહોંચવા માટે દબાણ કરી શકતા નથી કારણ કે તમારા વિરોધીઓ રસ્તા પર નાચતા હતા. અમે રાજ્ય સરકાર પાસેથી પણ જાણવા માંગીએ છીએ કે તે શું કરી રહી છે?
જરાંગે 29 ઓગસ્ટથી પછાત વર્ગ (OBC) શ્રેણી હેઠળ સરકારી નોકરીઓ અને શિક્ષણમાં મરાઠા સમુદાય માટે 10% અનામતની માંગણી સાથે અનિશ્ચિતકાળની ભૂખ હડતાળ પર હતા. આજે તેમની ભૂખ હડતાળનો 5મો દિવસ હતો. જરાંગેએ સોમવારથી પાણી પીવાનું પણ બંધ કરી દીધું હતું. જોકે હવે તેમણે ભૂખ હડતાલ સમાપ્ત કરી દીધી છે.
ભાજપે ગાંધીને ટાંકીને આંદોલન બંધ કરવા જરાંગેને અપીલ કરી
ભાજેએ મંગળવારે જરાંગેને તેમનું આંદોલન પાછું ખેંચવાની અપીલ કરી. પાર્ટીએ મહાત્મા ગાંધીને ટાંકીને કહ્યું કે જરૂર પડ્યે આંદોલન બંધ કરવા જોઈએ. મહારાષ્ટ્ર ભાજપના મુખ્ય પ્રવક્તા કેશવ ઉપાધ્યાયે કહ્યું, ‘દરેક આંદોલનને સફળ થવા માટે કેટલાક ફેરફારોની જરૂર પડે છે. ક્યારેક તેને થોડા સમય માટે બંધ કરવું પડે છે.’ ઉપાધ્યાયે કહ્યું, ‘મહાત્મા ગાંધીએ પણ ઘણી વખત તેમના આંદોલનો બંધ કર્યા હતા. તમે મરાઠા સમુદાયની પીડાને આગળ લાવી છે અને સમુદાયને પહેલાથી જ 10% અનામત આપવામાં આવી છે.’
