મહિલા વર્લ્ડ કપ 2025 ભારત અને શ્રીલંકા દ્વારા સંયુક્ત રીતે યોજાવાનો છે અને હવે આ માટે ભારતીય મહિલા ટીમની જાહેરાત કરવામાં આવી છે. હરમનપ્રીત કૌરને કેપ્ટનશીપની જવાબદારી સોંપવામાં આવી છે જ્યારે સ્મૃતિ મંધાનાને ઉપ-કેપ્ટન બનાવવામાં આવી છે. છેલ્લા કેટલાક સમયથી ઘરેલુ ક્રિકેટમાં સારું પ્રદર્શન કરનારી ખેલાડીઓને તક મળી છે.
ભારતીય ટીમની સ્ટાર ઓપનર બેટ્સમેન શેફાલી વર્માને બહારનો રસ્તો બતાવવામાં આવ્યો છે. પસંદગીકારોએ તેને ઇંગ્લેન્ડ પ્રવાસ માટે ટીમમાં સ્થાન આપ્યું હતું પરંતુ તે પ્રભાવિત કરી શકી ન હતી. ત્યારબાદ તેના બેટમાંથી ફક્ત 3, 47, 31 અને 75 રન જ નીકળ્યા. જ્યારે ઓસ્ટ્રેલિયા-એ સામે તેણીએ ફક્ત 3, 3 અને 41 રન જ બનાવ્યા. સ્મૃતિ મંધાના અને પ્રતિકા રાવલની જોડીએ ભારતીય મહિલા ટીમ માટે જોરદાર પ્રદર્શન કર્યું અને ટીમ માટે ઘણી મેચ પોતાના દમ પર જીતી. વર્લ્ડ કપ 2025 માટે ટીમ મંધાના-રાવલની જોડી પર નિર્ભર છે.
ICC મહિલા વિશ્વ કપ 2025 માટે ભારતીય ટીમ
હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), પ્રતિકા રાવલ, હરલીન દેઓલ, દીપ્તિ શર્મા, જેમિમા રોડ્રિગ્સ, રેણુકા સિંઘ ઠાકુર, અરુંધતી રેડ્ડી, રિચા ઘોષ (વિકેટકીપર), ક્રાંતિ ગૌડ, અમનજોત કૌર, રાધા યાદવ, શ્રી ચરણી, યસ્તિકા ભાટિયા (વિકેટકીપર) અને સ્નેહ રાણા.
