સ્માર્ટ શહેરો આધુનિક ટેકનોલોજી અને ટકાઉ વિકાસનું સંગમ છે, જે શહેરી જીવનને વધુ કાર્યક્ષમ અને આરામદાયક બનાવે છે. ઇન્ટરનેટ ઓફ થિંગ્સ (IoT), આર્ટિફિશિયલ ઇન્ટેલિજન્સ (AI), અને બિગડેટા જેવી ટેકનોલોજીઓ દ્વારા સ્માર્ટશહેરો ઊર્જા, પરિવહન, અને સંસાધનોનું સંચાલન બહેતર બનાવે છે. આ શહેરો પર્યાવરણની જાળવણી અને નાગરિકોની સુખાકારીને પ્રાથમિકતા આપે છે. સ્માર્ટ શહેરોમાં, IoT સેન્સર્સ ટ્રાફિકનું નિયમન કરે છે, જેનાથી ભીડ અને પ્રદૂષણ ઘટે છે. સ્માર્ટ ગ્રીડ ટેકનોલોજી ઊર્જાનો વપરાશ ઘટાડે છે, જ્યારે સૌર અને પવન ઉર્જા જેવા નવીન સ્ત્રોતો ટકાઉપણું વધારે છે. AI આધારિત સુરક્ષા પ્રણાલીઓ ગુનાખોરી ઘટાડે છે, અને સ્માર્ટ હેલ્થકેર સેવાઓ નાગરિકોના સ્વાસ્થ્યનું ધ્યાન રાખે છે. જોકે, સ્માર્ટ શહેરોનો વિકાસ ખર્ચાળ છે અને તેમાં ડેટા ગોપનીયતા, સાયબર સુરક્ષા, અને સામાજિક અસમાનતા જેવા પડકારો સામેલ છે.
ગ્રામીણ અને શહેરી વિસ્તારો વચ્ચેનું ડિજિટલ ગેપ ઘટાડવું પણ જરૂરી છે. આ માટે સરકારો, ખાનગી ક્ષેત્ર, અને નાગરિકોનો સહયોગ જરૂરી છે. ભવિષ્યમાં, સ્માર્ટ શહેરો વૈશ્વિક શહેરીકરણનો આધાર બનશે. ટેકનોલોજીનો જવાબદારીપૂર્ણ ઉપયોગ અને નીતિઓ દ્વારા આ શહેરો ટકાઉ, સલામત, અને સમાવેશી જીવનશૈલી પ્રદાન કરશે. સ્માર્ટ શહેરો એ ફક્ત ટેકનોલોજીનું પ્રદર્શન નથી, પરંતુ માનવજાતના ઉજ્જવળ ભવિષ્યનું પ્રતીક છે.
પુનાગામ, સુરત –સંજય સોલંકી – આ લેખમાં પ્રગટ થયેલાં વિચારો લેખકનાં પોતાના છે.
