ફરી એકવાર ગેરકાયદે વસવાટ કરતા બાંગ્લાદેશીઓને ઝડપી પાડવાનું ઓપરેશન સુરત પોલીસે હાથ ધર્યું છે. સુરત ક્રાઈમ બ્રાંચે શહેરના વિવિધ વિસ્તારમાંથી 119 બાંગ્લાદેશીઓને પકડી પાડ્યા છે. ત્યારે એ પ્રશ્ન ઉભો થાય છે કે શહેર-રાજ્યમાં હજુ કેટલાં બાંગ્લાદેશીઓ ગેરકાયદે વસવાટ કરી રહ્યાં છે.
- 48 કલાકમાં સુરત પોલીસની અલગ અલગ ટીમોએ 119 બાંગ્લાદેશીઓને ઝડપી પાડયા
- ભેસ્તાન, ઉન, પાંડેસરા, સચિન, ચોક બજાર વિસ્તારમાંથી 119 બાંગ્લાદેશીને પકડ્યા
- તમામને ડિપોર્ટ કરવાની કામગીરી શરૂઃ પહેલા પૂછપરછ કરવામાં આવશે
સુરત પોલીસને મોટી સફળતા મળી છે. અમદાવાદથી ભાગી આવેલા એક ફેમિલીના 6 સભ્યો સહિત 119 બાંગ્લાદેશીઓને ભેસ્તાન, ઉન અને લિંબાયત તથા ભીંડી બજારમાંથી પોલીસે પકડી પાડયા છે. ગેરકાયદે રહેતા બાંગ્લાદેશીઓને ઝડપી પાડવામાં આવ્યા છે. 119 બાંગ્લાદેશીઓને ઝડપી પાડ્યા છે. ભેસ્તાન, ઉન તથા લિબાયત સહિતના વિસ્તારમાં રેડ કરી હતી. ક્રાઇમબ્રાંચ દ્વારા રેડ કરવામાં આવી હતી. તમામને ભિક્ષુક ગૃહ લાવવામાં આવ્યા છે.
ભેસ્તાન ઉન ભીંડી બજારમાં ભેસ્તાન પોલીસે સરપ્રાઇઝ ચેકિંગ કરી હતી. આ દરમિયાન અગાઉ પકડાયેલા 46 બાંગ્લાદેશીના ખાલી ઘરમાં કેટલાક લોકો રહેતા હોવાની માહિતી પોલીસને મળી હતી. આથી ભેસ્તાન પોલીસે ઘરોમાં તપાસ કરતા બાંગ્લાદેશીઓ મળી આવ્યા હતા. પોલીસે બાંગ્લાદેશીઓના ડોક્યુમેન્ટો સહિતની તપાસ શરૂ કરી છે.
એક બાંગ્લાદેશી પરિવાર જેના 6 સભ્યો અમદાવાદમાં દબાણ વધતા સુરત ચાલી આવ્યા હતા અને ભીંડી બજારમાં તેમના ઓળખીતા બાંગ્લાદેશીને ત્યાં રહેવા લાગી ગયા હતા. ઉપરાંત અન્ય કતારગામ ફુલવાડીમાંથી ભેસ્તાનમાં રહેવા આવી ગયા હતા. તપાસમાં એવી વિગત બહાર આવી કે બાંગ્લાદેશથી સુરતમાં આવીને ગેરકાયદે વસવાટ કરતા આ બાંગ્લાદેશીઓ પૈકી મોટા ભાગના શહેરમાં નાની મોટી મજૂરી કરે છે.
અગાઉ ભેસ્તાન પોલીસે ભેસ્તાન ઉન ભીંડી બજારમાં બાંગ્લાદેશી વિસ્તારમાં 46 બાંગ્લાદેશીઓને પકડી પાડયા હતા. આ બાંગ્લાદેશીઓ ગેરકાયદે મકાન બાંધી રહેતા હતા. આજ મકાનોમાં હાલમાં 19 બાંગ્લાદેશીઓએ આશરો લીધો હતો. નોંધનીય છે કે બાંગ્લાદેશીઓને શોધી કાઢવા માટે સુરત પોલીસે સમયાંતરે ડ્રાઇવ ચલાવે છે.
બાંગ્લાદેશીઓના બાયોમેટ્રિક લેવાશે
આ અગાઉ પણ સુરત પોલીસે બાંગ્લાદેશીઓને વિવિધ વિસ્તારમાંથી ઝડપી પાડ્યા હતા. અંદાજે 200થી વધુ બાંગ્લાદેશીઓને પકડી ડિપોર્ટ કરાયા હતા. અત્યાર સુધી જે બાંગ્લાદેશી ઝડપાયા છે તેમાંથી અનેક લોકોએ બોગસ ડોક્યુમેન્ટ બનાવ્યા હોવાનું સામે આવ્યું છે. સુરત પોલીસ બાંગ્લાદેશ સાથે ડાયરેકટ સંપર્ક નથી કરતી. ગૃહ વિભાગ દ્વારા આ બાબતની કાર્યવાહી કરવામાં આવે છે. ગેરકાયદેસર ઝડપાયેલા તમામ બાંગ્લાદેશીઓનો બાયોમેટ્રિક લેવામાં આવશે. આ બાયોમેટ્રિક અન્ય એજન્સીઓને પણ આપવામાં આવશે
