IPL 2025 ની ફાઇનલ મેચ 3 જૂને અમદાવાદના નરેન્દ્ર મોદી સ્ટેડિયમ ખાતે રમાશે. મંગળવારે લાંબી બેઠક બાદ BCCIએ આ નિર્ણય લીધો. IPL 2025 ની પહેલી ક્વોલિફાયર મેચ પણ નરેન્દ્ર મોદી સ્ટેડિયમ ખાતે રમાશે. IPL 2025 ની પહેલી ક્વોલિફાયર મેચ 1 જૂને રમાશે.
IPL 2025 ની ફાઇનલ મેચના સ્થળ અંગે એક મોટી અપડેટ આવી છે. અહેવાલો અનુસાર ફાઇનલ મેચ હવે અમદાવાદમાં રમાશે. 9 મેના રોજ ભારત અને પાકિસ્તાન વચ્ચે વધતા લશ્કરી તણાવને કારણે IPL 2025 એક અઠવાડિયા માટે સ્થગિત કરવામાં આવી હતી. આ પછી BCCI એ 13 મે ના રોજ એક નવું શેડ્યૂલ બહાર પાડ્યું. તે સમયપત્રકમાં બધી મેચોની તારીખો બદલવામાં આવી હતી. અગાઉ જાહેર કરાયેલા સમયપત્રક મુજબ IPL ફાઇનલ 25 મેના રોજ રમાવાની હતી પરંતુ હવે તે 3 જૂને અમદાવાદમાં રમાશે.
ક્વોલિફાયર-1 અને એલિમિનેટર મેચ અંગે પણ અપડેટ આવ્યું.
IPL 2025 ની પહેલી ક્વોલિફાયર મેચ 29 મે ના રોજ રમાશે. આ મેચ ન્યૂ ચંદીગઢના મુલ્લાનપુરમાં રમાઈ શકે છે. આ ઉપરાંત 30 મેના રોજ રમાનારી એલિમિનેટર મેચનું આયોજન મુલ્લાનપુર, ન્યુ ચંદીગઢમાં પણ થઈ શકે છે. આ માહિતી ક્રિકબઝ રિપોર્ટમાં આપવામાં આવી છે. IPL કે BCCI એ હજુ સુધી કોઈ સત્તાવાર જાહેરાત કરી નથી. એવું કહેવામાં આવી રહ્યું છે કે બીસીસીઆઈએ હવામાનને ધ્યાનમાં રાખીને આ સ્થળોની પસંદગી કરી છે કારણ કે દેશમાં ધીમે ધીમે વરસાદની મોસમ શરૂ થઈ રહી છે. આ કારણોસર અમદાવાદની ફાઇનલ માટે પસંદગી કરવામાં આવી છે.
આ ત્રણેય ટીમો પ્લેઓફ માટે ક્વોલિફાય થઈ
તમને જણાવી દઈએ કે IPL 2025 માં અત્યાર સુધી રોયલ ચેલેન્જર્સ બેંગ્લોર (RCB), પંજાબ કિંગ્સ (PBKS) અને ગુજરાત ટાઇટન્સ (GT) પ્લેઓફ માટે ક્વોલિફાય થઈ ચૂકી છે. એ પણ પુષ્ટિ થઈ ગઈ છે કે દિલ્હી કેપિટલ્સ અથવા મુંબઈ ઇન્ડિયન્સ ચોથી ટીમ હશે. ચેન્નાઈ સુપર કિંગ્સ (CSK), રાજસ્થાન રોયલ્સ (RR), સનરાઇઝર્સ હૈદરાબાદ (SRH), લખનૌ સુપર જાયન્ટ્સ (LSG) અને કોલકાતા નાઈટ રાઇડર્સ (KKR) પ્લેઓફની રેસમાંથી બહાર થઈ ગયા છે.
અગાઉ ફાઇનલ 25 મેના રોજ રમવાની હતી
પહેલા એવા અહેવાલ હતા કે IPL 2025 ની ફાઇનલ કોલકાતાના ઇડન ગાર્ડન્સ ખાતે રમાશે. પરંતુ ભારત-પાકિસ્તાન તણાવને કારણે IPL લગભગ એક અઠવાડિયા માટે મુલતવી રાખવામાં આવી હતી. આ કારણોસર IPL 2025 ની ફાઇનલ 25 મે થી બદલીને 3 મે કરવામાં આવી હતી. હવે એ વાત કન્ફર્મ થઈ ગઈ છે કે IPL 2025 ની ફાઇનલ 3 જૂને અમદાવાદના નરેન્દ્ર મોદી સ્ટેડિયમ ખાતે રમાશે.
