દિવાળી પછી દિલ્હી, નોઈડા, ગુરુગ્રામ અને નેશનલ કેપિટલ રિજન (NCR)ની આસપાસની હવા ઝેરી બની ગઈ છે. સુપ્રીમ કોર્ટના ફટાકડા પર પ્રતિબંધ હોવા છતાં રાજધાની દિલ્હીમાં ફટાકડા ફોડવામાં આવ્યા હતા. જોકે નવા અપડેટ યૂપી પ્રમાણે યૂપી દિલ્હીથી આગળ વધી ગયું છે. જો દિવાળી પછી દેશના ટોપ 10 પ્રદૂષિત શહેરોની વાત કરીએ તો દિલ્હી કરતાં ઉત્તર પ્રદેશના શહેરોમાં શ્વાસ લેવામાં વધુ તકલીફ થઈ રહી છે. ફટાકડાના કારણે દિલ્હી અને ઉત્તર પ્રદેશની હવાની ગુણવત્તા અત્યંત ખરાબ શ્રેણીમાં પહોંચી ગઈ છે.
ટોપ ટેન પ્રદૂષિત શહેરોમાં દિલ્હીનું નામ નથી
ઉત્તર પ્રદેશના ઘણા શહેરો એવા બની ગયા છે કે જ્યાં પ્રદૂષણને કારણે સર્વત્ર ધુમાડાના વાદળો થવાયા છે. યુપીમાં સંભલની હવા સૌથી વધુ પ્રદૂષિત છે અહીં AQI 423 નોંધવામાં આવ્યો છે. આ પછી યુપીના મુરાદાબાદનો AQI 414 બીજા સ્થાને, રામપુરનો AQI 407 ત્રીજા સ્થાને, સહારનપુરનો AQI ચોથા સ્થાને 387, બદાઉનનો AQI 383 પાંચમા સ્થાને, પીલીભીતનો AQI 383 છઠ્ઠા સ્થાને, સાતમા સ્થાને શાહજહાંપુર AQI 383 છે, આઠમા સ્થાને બરેલી AQI 383 છે, અંબાલા AQI 379 નંબર સાથે 9માં નંબર પર છે અને 10માં નંબર પર મેરઠ છે જેનો AQI 374 છે.
આ યાદીમાં ખરાબ હવાના મામલે દિલ્હી 11મા સ્થાને છે. દિલ્હીનો AQI 353 નોંધાયો છે. પ્રદૂષણ અંગે બહાર પાડવામાં આવેલ આ AQI 1 નવેમ્બર 2024ના રોજ સવારે 10 વાગ્યાનો છે. દિલ્હી સરકારે ફટાકડા પર પ્રતિબંધ લાગુ કરવા અને સ્થાનિક સંગઠનો દ્વારા જાગૃતિ ફેલાવવા માટે 377 અમલીકરણ ટીમોની રચના કરી હતી. આ હોવા છતાં પૂર્વ અને પશ્ચિમ દિલ્હીના વિસ્તારોમાં મોટા પાયે પ્રતિબંધોના ઉલ્લંઘનના અહેવાલો છે. ધુમ્મસવાળા આકાશે 2020ના ‘ગંભીર’ પ્રદૂષણની યાદો પાછી લાવી દીધી હતી કારણ કે PM 2.5 અને PM 10નું સ્તર 9 વાગ્યે અનુક્રમે વધીને 145.1 અને 272 માઈક્રોગ્રામ પ્રતિ ઘન મીટર થઈ ગયું. વધતા પ્રદૂષણનો સામનો કરવા માટે દિલ્હી સરકારે રાષ્ટ્રીય રાજધાનીમાં સતત પાંચમા વર્ષે ફટાકડાના ઉત્પાદન, સંગ્રહ, વેચાણ અને ઉપયોગ પર વ્યાપક પ્રતિબંધની જાહેરાત કરી હતી પરંતુ તેની કોઈ ખાસ અસર જોવા મળી નથી.
