જમ્મુ-કાશ્મીરના એમએ સ્ટેડિયમમાં વિજય સંકલ્પ રેલી દરમિયાન વડાપ્રધાન નરેન્દ્ર મોદીએ કહ્યું કે આ ચૂંટણી જમ્મુ-કાશ્મીરનું ભવિષ્ય પસંદ કરવાની છે. આજે શહીદ વીર સરદાર ભગતસિંહની જન્મજયંતિ પણ છે. દેશના કરોડો યુવાનોના પ્રેરણાસ્ત્રોત ભગતસિંહજીને હું આદરપૂર્વક વંદન કરું છું. પીએમ મોદીએ કહ્યું કે જમ્મુ-કાશ્મીરના લોકો આતંકવાદ, અલગતાવાદ અને હિંસા નથી ઈચ્છતા. અહીંના લોકો શાંતિ અને સમૃદ્ધિ ઈચ્છે છે. અહીંના લોકો ભાજપની સરકાર ઈચ્છે છે.
પીએમ મોદીએ કહ્યું કે જમ્મુમાં આ વિધાનસભા ચૂંટણીની મારી છેલ્લી સભા છે. મને છેલ્લા અઠવાડિયામાં જમ્મુ અને કાશ્મીરના વિવિધ ભાગોની મુલાકાત લેવાની તક મળી છે. હું જ્યાં પણ જાઉં છું ત્યાં ભાજપ પ્રત્યે અભૂતપૂર્વ ઉત્સાહ જોવા મળે છે. પીએમ મોદીએ કહ્યું કે જમ્મુ-કાશ્મીરના લોકો આતંકવાદ, અલગતાવાદ અને હિંસા નથી ઈચ્છતા. અહીંના લોકો શાંતિ અને સમૃદ્ધિ ઈચ્છે છે. અહીંના લોકો તેમના બાળકોનું ઉજ્જવળ ભવિષ્ય ઈચ્છે છે. અહીંના લોકો ભાજપની સરકાર ઈચ્છે છે.
પીએમ મોદીએ કહ્યું કે આજે 28મી સપ્ટેમ્બર છે, વર્ષ 2016ની આ રાત્રે સર્જિકલ સ્ટ્રાઈક થઈ હતી. ભારતે દુનિયાને કહ્યું હતું કે આ નવું ભારત છે… ઘરમાં ઘૂસીને મારે છે. આતંકના આકાઓ જાણે છે કે જો તેઓ કંઈ ખોટું કરશે તો મોદી પાતાળમાંથી પણ તેમને શોધી કાઢશે. કોંગ્રેસ એ પાર્ટી છે જેણે આપણી સેના પાસેથી સર્જિકલ સ્ટ્રાઈકના પુરાવા માંગ્યા હતા. કોંગ્રેસ એવી પાર્ટી છે જે આજે પણ સર્જિકલ સ્ટ્રાઈકને લઈને પાકિસ્તાનની ભાષા બોલે છે. શું તમે આવી કોંગ્રેસને માફ કરશો? દેશ માટે શહીદ થયેલા લોકોનું કોંગ્રેસ ક્યારેય સન્માન કરી શકે નહીં.
ભાજપે ગોળીઓનો જવાબ ગોળીથી આપ્યોઃ મોદી
પીએમ મોદીએ કહ્યું કે છેલ્લા દાયકાઓમાં અહીં માત્ર કોંગ્રેસ, એનસી અને પીડીપીના નેતાઓ અને તેમના પરિવારનો જ વિકાસ થયો છે. તમારા હિસ્સામાં તો માત્ર વિનાશ જ આવ્યો છે. આપણી પેઢીઓએ જે વિનાશ સહન કર્યો છે તેના માટે કોંગ્રેસ પાર્ટી સૌથી મોટી જવાબદાર છે. આઝાદી પછી કોંગ્રેસની ખોટી નીતિઓ તમારા માટે વિનાશ જ લાવી છે. જમ્મુનો મોટો ભાગ સરહદને અડીને આવેલો છે. તમને યાદ છે તે સમય જ્યારે સરહદ પારથી દરરોજ ગોળીબાર થતો હતો અને મીડિયામાં રોજ બ્રેકિંગ ન્યૂઝ ચાલતા હતા કે ‘ફરી એક વાર યુદ્ધવિરામ ભંગ થયો છે’. ત્યાંથી ગોળીઓ ચલાવવામાં આવતી હતી અને કોંગ્રેસના લોકો સફેદ ઝંડા બતાવતા હતા. પરંતુ જ્યારે ભાજપ સરકારે ગોળીઓનો જવાબ ગોળીથી આપ્યો ત્યારે ત્યાંના લોકોના હોશ ઠેકાણે આવી ગયા.
વડાપ્રધાન નરેન્દ્ર મોદીએ કહ્યું કે, “કોંગ્રેસ ક્યારેય દેશ માટે શહીદ થયેલા લોકોનું સન્માન કરી શકતી નથી. આ કોંગ્રેસે જ છે જેણે આપણા સૈનિક પરિવારોને 4 દાયકાઓ સુધી ‘વન રેન્ક વન પેન્શન’ માટે તડપાવ્યા હતા. કોંગ્રેસ સૈનિકો સાથે ખોટું બોલે છે. તેઓ કહેતા હતા કે ‘વન રેન્ક વન પેન્શન’, OROP તિજોરી પર દબાણ લાવશે પરંતુ મોદીએ ક્યારેય તિજોરીને સેનાના પરિવારોના હિત સામે મુકી નથી અને તેથી 2014 માં સરકાર બન્યા પછી અમે OROP લાગુ કરી. અત્યાર સુધીમાં રૂ 1 લાખ 20 હજાર કરોડ સેનાના પરિજનોને મળી ચુક્યા છે. તાજેતરમાં અમે OROP ને પણ પુનર્જીવિત કર્યું છે જેના કારણે સૈન્ય પરિવારોને વધુ પૈસા આપવાનો નિર્ણય લેવામાં આવ્યો છે.
