‘સ્ત્રી 2’, ભારત હોય કે વિશ્વવ્યાપી બોક્સ ઓફિસ શ્રદ્ધા કપૂર અભિનીત આ હોરર-કોમેડી ફિલ્મ શાનદાર કલેક્શન કરી રહી છે. ‘સ્ત્રી 2’ દરરોજ શાનદાર કમાણી કરીને એક પછી એક રેકોર્ડ તોડી રહી છે. માત્ર એક સપ્તાહના કલેક્શન સાથે ફિલ્મ ભારતમાં રૂ. 300 કરોડની ક્લબમાં સામેલ થવાની નજીક છે. હવે આ ફિલ્મે રામ ચરણની ‘RRR’ને પણ માત આપી દીધી છે.
શ્રદ્ધા કપૂર અને રાજકુમાર રાવની ફિલ્મ ‘સ્ત્રી 2’ એ સાત દિવસમાં સ્થાનિક બોક્સ ઓફિસ પર 289 કરોડ રૂપિયાનું કલેક્શન કર્યું છે. આ સાથે ફિલ્મ એસએસ રાજામૌલીની ‘RRR’ (હિન્દી સંસ્કરણ) ના લાઈફટાઈમ કલેક્સનને પાછળ છોડી ગઈ છે. તમને જણાવી દઈએ કે રામ ચરણ સ્ટારર ‘RRR’ 2022માં રિલીઝ થઈ હતી જેણે હિન્દી ભાષામાં ભારતમાં કુલ 274.31 કરોડ રૂપિયાનો બિઝનેસ કર્યો હતો. તમને જણાવી દઈએ કે ‘સ્ત્રી 2’ 2018ની ફિલ્મ સ્ત્રીની સિક્વલ છે. આ વર્ષની સૌથી વધુ રાહ જોવાતી ફિલ્મોમાંની એક હતી, તેથી તેની રિલીઝ પછી ફિલ્મને સારો પ્રતિસાદ મળી રહ્યો છે.
RRR’ સિવાય, ‘સ્ત્રી 2’ એ શાનદાર ફિલ્મોના લાઈફટાઈમ કલેક્શનને પણ માત આપી છે. આ લિસ્ટમાં સલમાન ખાનની ટાઈગર 3 (રૂ. 285.52 કરોડ), આમિર ખાનની ધૂમ 3 (રૂ. 284.27 કરોડ), અજય દેવગનની તાનાજી (રૂ. 279.55 કરોડ), શાહિદ કપૂરની કબીર સિંહ (રૂ. 278.24 કરોડ) અને રણબીર કપૂરની બ્રહ્માસ્ત્ર (253.44 કરોડ) રૂપિયાનો સમાવેશ થાય છે.
અમર કૌશિકના નિર્દેશનમાં બનેલી ‘સ્ત્રી 2’ વિશ્વવ્યાપી રૂ. 400 કરોડના ક્લબમાં જોડાઈ છે. ‘સ્ત્રી 2’ એ પણ વિશ્વભરમાં મજબૂત કલેક્શન કર્યું છે. આ ફિલ્મ વર્લ્ડવાઈડ બોક્સ ઓફિસ પર 400 કરોડની ક્લબમાં સામેલ થઈ ગઈ છે. આ ફિલ્મે માત્ર સાત દિવસમાં કુલ 401 કરોડ રૂપિયાનો બિઝનેસ કર્યો છે. આવી સ્થિતિમાં ફિલ્મની મુખ્ય અભિનેત્રી શ્રદ્ધા કપૂરે ‘સ્ત્રી 2’નું વિશ્વવ્યાપી કલેક્શન શેર કરીને ચાહકોનો આભાર વ્યક્ત કર્યો છે.
