નવી દિલ્હીઃ પોલીસે નોર્થ આયર્લેન્ડમાં બીજા વિશ્વયુદ્ધના સમયના શંકાસ્પદ બોમ્બને દૂર કરવા માટે 400 થી વધુ ઘરો ખાલી કરવાનો આદેશ આપ્યો છે. પોલીસે કહ્યું છે કે બોમ્બને દૂર કરવાના ઓપરેશનમાં પાંચ દિવસથી વધુ સમય લાગી શકે છે. બેલફાસ્ટથી લગભગ 15 કિલોમીટર પૂર્વમાં કાઉન્ટી ડાઉનના ન્યુટાઉનર્ડ્સમાં શુક્રવારે બોમ્બ મળી આવ્યો હતો.
નોર્થ ડાઉન અને આર્ડ્સ ડિસ્ટ્રિક્ટ કમાન્ડર, સુપરિન્ટેન્ડેન્ટ જોહ્નસ્ટન મેકડોવેલે કહ્યું લોકોની સલામતી સર્વોપરી છે અને અમે કોઈ જોખમ લઈશું નહીં, તેથી આ પ્રક્રિયાથી દૂર રહેવા માટે કહેવામાં આવ્યું છે. સ્થાનિક લોકો કે જેમને તેમના ઘરની બહાર જવું પડે છે તેમના માટે ઇમરજન્સી સહાયતા કેન્દ્રની સ્થાપના કરવામાં આવી છે.
બીજા વિશ્વ યુદ્ધ (1939-1945) દરમિયાન ઉપયોગમાં લેવાયેલા બોમ્બના અવશેષો આજે પણ મળી આવ્યા છે. જુદા જુદા દેશોમાં મળતા રહે છે. વર્ષ 2019માં જર્મનીના ફ્રેન્કફર્ટ શહેરમાં બીજા વિશ્વયુદ્ધનો બોમ્બ મળ્યો હતો. આ બોમ્બનું વજન લગભગ 500 કિલો હતું. બોમ્બ મળ્યા બાદ સમગ્ર વિસ્તારને ખાલી કરાવવામાં આવ્યો હતો અને બોમ્બને ડિફ્યુઝ કરવા માટે નિષ્ણાતોની ટીમને બોલાવવામાં આવી હતી.
આ અગાઉ વર્ષ 2021 માં લંડનમાં એક બાંધકામ સ્થળ પર ખોદકામ દરમિયાન બીજા વિશ્વ યુદ્ધનો બોમ્બ મળી આવ્યો હતો. બોમ્બ મળ્યા બાદ હજારો લોકોને તેમના ઘરોમાંથી બહાર કાઢવામાં આવ્યા હતા અને બોમ્બને ડિફ્યુઝ કરવા સેનાને બોલાવવામાં આવી હતી. આ પ્રક્રિયામાં ઘણા કલાકો લાગ્યા.
તે અગાઉ 2018 માં ઇટાલિયન શહેર બોશેરામાં નદીની સફાઈ દરમિયાન બીજા વિશ્વ યુદ્ધનો બોમ્બ મળી આવ્યો હતો. બોમ્બનું વજન લગભગ 225 કિલોગ્રામ હતું. તેને નિષ્ક્રિય કરવા માટે નિષ્ણાતોની ટીમને બોલાવવામાં આવી હતી અને સમગ્ર વિસ્તારને સુરક્ષિત કરવામાં આવ્યો હતો.
2022 માં જાપાનના ટોક્યોમાં એક બાંધકામ સાઇટ પર બીજા વિશ્વ યુદ્ધનો બોમ્બ મળી આવ્યો હતો. આ બોમ્બનું વજન લગભગ 100 કિલો હતું. તેને સુરક્ષિત રીતે નિષ્ક્રિય કરવા માટે પોલીસ અને સૈન્ય દળોને બોલાવવામાં આવ્યા હતા.
2020 માં ફ્રાન્સના પેરિસમાં એક પાર્ક નજીક બીજા વિશ્વ યુદ્ધનો બોમ્બ મળી આવ્યો હતો. આ બોમ્બને ડિફ્યુઝ કરવા માટે ખાસ પ્રશિક્ષિત ટીમોએ કામ કર્યું હતું. આ દરમિયાન સમગ્ર વિસ્તારને ખાલી કરાવવામાં આવ્યો હતો.
