મુંબઈ, (MUMBAI): બીએમસીએ (BMC) અભિનેતા સોનુ સૂદ (SONU SOOD) સામે 6 માળની રહેણાંક મકાનને હોટેલમાં રૂપાંતરિત કરવાના આરોપ હેઠળ પોલીસ ફરિયાદ નોંધાવી છે. બીએમસીનો આરોપ છે કે અભિનેતાએ કોઈની પરવાનગી લીધા વગર આવું કર્યું છે. બીએમસીએ કહ્યું છે કે સોનુ સૂદ સામે મહારાષ્ટ્ર રિજન અને ટાઉન પ્લાનિંગ એક્ટ (TOWN PLANNING ACT) હેઠળ કાર્યવાહી થવી જોઇએ.
બીએમસીએ અભિનેતા પર મકાનનો ભાગ વધારવાનો, ઉપયોગમાં ફેરફાર કરવાનો આરોપ લગાવ્યો છે.બીએમસીએ પોતાની ફરિયાદમાં કહ્યું છે કે, ‘સોનુ સૂદે જાતે જ જમીનના ઉપયોગમાં ફેરફાર કર્યા હોવાનું જાણવા મળ્યું છે. આ સિવાય નિશ્ચિત યોજનામાંથી વધારાના બાંધકામો કરીને રહેણાંક મકાનને રહેણાંક હોટલ બિલ્ડિંગમાં પરિવર્તિત કરવામાં આવ્યું છે. આ માટે, તેઓએ ઓથોરિટી પાસેથી જરૂરી તકનીકી મંજૂરી પણ મેળવી નથી.
આ ફરિયાદ બીએમસી દ્વારા જુહુ પોલીસ સ્ટેશનમાં 4 જાન્યુઆરીએ નોંધાઈ છે. બીએમસીએ સોનુ સૂદ પર નોટિસની અવગણના કરવાનો પણ આરોપ લગાવ્યો છે. આ એફઆઈઆર એમઆરટીપી એક્ટ હેઠળ નોંધાયેલ છે.
તમને જણાવી દઇએ કે કોરોના વાયરલ થવાને કારણે લોકડાઉન થયુ ત્યારથી બોલીવુડ અભિનેતા સોનુ સૂદ પરપ્રાંતિય લોકોને ઘરે મોકલવાના કારણે હેડલાઇન્સમાં રહ્યો હતો. વિશેષ વાત એ છે કે સોનુ સૂદ પણ ટ્વિટર પર ચાહકોના ટ્વીટ્સનો જવાબ આપે છે. તેમણે લોકોને મદદ માટે અનેક યોજનાઓ પણ શરૂ કરી છે.
કારકિર્દીની વાત કરવામાં આવે તો તે ટૂંક સમયમાં કિસાન ફિલ્મમાં જોવા મળશે. આ ફિલ્મનું નિર્દેશન ઇ નિવાસ કરશે અને નિર્માણ રાજ શાંડિલ્યા કરશે. આ ફિલ્મ માટે બીજી કાસ્ટ પર હજી સુધી કોઈ વાત કરવામાં આવી નથી. પરંતુ સોનુ સૂદના ચાહકોએ આ નવા પ્રોજેક્ટને અભિનંદન આપવાનું શરૂ કરી દીધું છે.
બીએમસી અધિકારીઓએ જણાવ્યું હતું કે બીએમસી તરફથી આપવામાં આવેલી નોટિસ વિરુદ્ધ સોનુ સૂદે મુંબઇ કોર્ટમાં અરજી કરી હતી, પરંતુ ત્યાંથી તેમને વચગાળાની રાહત મળી શકી નથી. કોર્ટે સોનુ સુદને હાઈકોર્ટમાં અપીલ કરવા માટે ત્રણ અઠવાડિયાનો સમય આપ્યો હતો. અદાલત દ્વારા ત્રણ અઠવાડિયા પસાર થઈ ગયા છે અને તેઓએ અનધિકૃત બાંધકામને કાઢ્યું પણ નથી અથવા આ અંગે કોઈ પગલાં પણ લીધા નથી.આવી સ્થિતિમાં પોલીસ ફરિયાદ નોંધાવી છે.આ એફઆઈઆર એમઆરટીપી એક્ટ હેઠળ નોંધાયેલ છે.
આ બાબતે સોનુ સૂદે પણ પ્રતિક્રિયા આપી છે. તેમણે જણાવ્યું હતું કે, જમીનના વપરાશકારના બદલાવ માટે બીએમસીની મંજૂરી લેવામાં આવી હતી અને હવે મહારાષ્ટ્ર કોસ્ટલ ઝોન મેનેજમેન્ટ ઓથોરિટીની મંજૂરીની રાહ જોવી પડશે. તેમણે બીએમસીના નિયમોની અવગણના કરવાના આરોપને નકારી દીધો છે.
