નવી દિલ્હી: વર્ષો પછી કોમનવેલ્થ ગેમ્સ (Commonwealth Games) અને એશિયન ગેમ્સમાં (Asian Games) ક્રિકેટની (Cricket) રમતનો સમાવેશ કરવામાં આવ્યો છે. ભારતીય ટીમોએ (Team India) એશિયન ગેમ્સમાં (Asian Games) પુરૂષ અને મહિલા ક્રિકેટ બંનેમાં ગોલ્ડ મેડલ જીત્યા હતા. જે પછી ચાહકો આતુરતાથી રાહ જોઈ રહ્યા હતા કે ક્રિકેટને ઓલિમ્પિક ગેમ્સમાં (Olympic Games) ક્યારે સામેલ કરવામાં આવશે. હવે ચાહકોની રાહ પૂરી થઈ છે અને ક્રિકેટને પણ ઓલિમ્પિક ગેમ્સમાં સામેલ કરવાની જાહેરાત કરવામાં આવી છે.
2028માં લોસ એન્જલસમાં યોજાનારી ઓલિમ્પિક ગેમ્સમાં ક્રિકેટની રમતનો સમાવેશ કરવામાં આવ્યો છે. આ સિવાય IOCએ વધુ 4 નવી રમતોને ઓલિમ્પિક ગેમ્સનો ભાગ બનાવી છે. ઓલિમ્પિક ગેમ્સમાં સામેલ પાંચ રમતો ક્રિકેટ, બેઝબોલ, સોફ્ટબોલ, ફ્લેગ ફૂટબોલ અને સ્ક્વોશ છે. આઈઓસીના પ્રમુખ થોમસ બાકે પોતે આની જાહેરાત કરી હતી.
થોમસ બાકે વધુમાં કહ્યું કે અમે ICC સાથે કામ કરીશું. અમે કોઈપણ દેશના વ્યક્તિગત ક્રિકેટ અધિકારીઓ સાથે કામ કરીશું નહીં. આઈસીસીના સમર્થનથી આપણે જોઈશું કે ક્રિકેટને કેવી રીતે વધુ લોકપ્રિય બનાવી શકાય. તમને જણાવી દઈએ કે ક્રિકેટ 1900માં પેરિસમાં એક વખત ઓલિમ્પિકનો ભાગ બની ચૂક્યું છે. પરંતુ ત્યારથી ક્રિકેટ ક્યારેય ઓલિમ્પિકનો હિસ્સો રહ્યો નથી.
LA28માં તેની રજૂઆત દરમિયાન, ICCએ પુરૂષો અને મહિલાઓ બંને માટે 6-ટીમ T20 ઇવેન્ટની ભલામણ કરી હતી. ભાગ લેનારી ટીમોમાં કટ-ઓફ તારીખે ટોચના 6 ક્રમાંકિત ICC પુરુષ અને મહિલા T20 રેન્કિંગનો સમાવેશ થશે. ICC એ T20 ફોર્મેટને શ્રેષ્ઠ ફોર્મેટ તરીકે પ્રસ્તાવિત કર્યું કારણ કે LA28 અને IOC બંનેએ આગ્રહ કર્યો હતો કે ફોર્મેટ એ જ હોવું જોઈએ જેમાં વર્લ્ડ ચેમ્પિયનશિપ યોજાઈ હોય (ઉદાહરણ તરીકે, T10 ફોર્મેટ નકારવામાં આવ્યું હતું), તેનો ટૂંક સમયગાળો હતો ( એટલે કે, ODI ની બહાર) અને પ્રેક્ષકો તરફથી ઘણો રસ હતો.
