નવી દિલ્હી: હરિયાણા (Hariyana) પોલીસે (Police) દિલ્હીને (Delhi) અડીને આવેલા ‘ન્યૂ જામતારા’ એટલે કે મેવાતમાં સાયબર (Cyber Fraud) ઠગ વિરુદ્ધ મોટી કાર્યવાહી કરી છે. રાજસ્થાન (Rajashthan) અને યુપીની (UP) સરહદને અડીને આવેલા મેવાત (Mewat) (દિલ્હીથી 80 કિમી દૂર)ના 14 ગામોમાં પોલીસે દરોડા (Raid) પાડ્યા છે.
દરોડા કાર્યવાહી દરમિયાન 100 થી વધુ લોકોની અટકાયત કરવામાં આવી છે. એટલું જ નહીં પોલીસે સાયબર ફ્રોડમાં ઉપયોગમાં લેવાતા 2 લાખથી વધુ મોબાઈલ નંબર બ્લોક કરી દીધા છે. ગુરુગ્રામના એસીપી સાયબરની દેખરેખ હેઠળ પાડવામાં આવેલા આ દરોડામાં 4 થી 5000 પોલીસકર્મીઓ સામેલ હતા.
વાસ્તવમાં દિલ્હીને અડીને આવેલા આ વિસ્તારોમાંથી સાયબર ક્રાઈમની ઘટનાઓ સતત અંજામ આપવામાં આવી રહી હતી. તાજેતરમાં, કેન્દ્ર સરકાર દ્વારા 9 રાજ્યોમાં ઉલ્લેખિત 32 સાયબર ક્રાઇમ હોટસ્પોટ્સમાં મેવાત, ભિવાની, નૂહ, પલવલ, મનોતા, હસનપુર, હાથન ગામોનો સમાવેશ થાય છે.
સાયબર ઘટનાઓની સતત ફરિયાદો મળ્યા બાદ ભોંડસી પોલીસ સેન્ટરમાં ગોપનીય સ્તરે આ ગામોમાં દરોડાની રણનીતિ તૈયાર કરવામાં આવી હતી. આ પછી 102 ટીમોએ 14 ગામોને ઘેરી લીધા અને દરોડા પાડ્યા. મેવાતના પુનહાના, પિંગવા, બિછોર, ફિરોઝપુર પોલીસ સ્ટેશન હેઠળના મહુ, તિરાવડા, ગોકલપુર, લુહિંગા કાલા, અમીનાબાદ, નાઈ, ખેડલા, ગડૌલ, જેમંટ, ગુલાલતા, જાખોપુર, પાપડા, મામલિકા ગામોમાં દરોડા પાડવામાં આવ્યા હતા.
આ દરમિયાન 14 ડીએસપી અને 6 એએસપી દ્વારા 102 ટીમો બનાવવામાં આવી હતી. આ ટીમોમાં લગભગ 4000-5000 પોલીસકર્મીઓ હતા. એટલું જ નહીં આ તમામ ગામોને ચારે બાજુથી ઘેરી લેવામાં આવ્યા હતા અને દરોડા પાડવામાં આવ્યા હતા.
સરકારે 32 ‘નવા જામતારા’ જાહેર કર્યા હતા
અત્યાર સુધી માત્ર ઝારખંડના જામતારાને જ સાયબર ક્રાઈમનો ગઢ માનવામાં આવતું હતું પરંતુ તાજેતરમાં જ સરકારે જણાવ્યું હતું કે દેશના 9 રાજ્યોમાં ત્રણ ડઝનથી વધુ ગામો અને શહેરો એવા છે જે સાયબર ક્રાઈમનો ગઢ બની ગયા છે. સરકારના જણાવ્યા અનુસાર, દેશના 9 રાજ્યો – હરિયાણા, દિલ્હી, ઝારખંડ, બિહાર, પશ્ચિમ બંગાળ, આસામ, ઉત્તર પ્રદેશ, ગુજરાત અને આંધ્રપ્રદેશમાં સાયબર ક્રાઈમ હોટસ્પોટ છે.
