નવસારી: નવસારી (Navsari) છાપરા રોડ ઉપર આજે સવારે પુરપાટ ઝડપે અને ગફલતભરી રીતે પસાર થતા ટ્રક (Truck) કન્ટેનર ચાલકે કાબૂ ગુમાવતા એક મોટર સાયકલ સવાર યુવતીને (Accident) અડફેટમાં લેતા ગંભીર ઇજોથી પટના સ્થળે જ કમકમાટી ભર્યુ મોત નિપજયુ હતું.
ઉપરના બનાવની પોલીસ પાસેથી મળતી ટૂંકી વિગત એવી રીતની છે કે નવસારીમાં છાપરાગામે હળપતિ વાસમાં રહેતા કિશોરભાઈ ઠાકોરભાઈ હળપતિ તેમની પુત્રી અને પૌત્રી દિવ્યા સુરેશભાઈ રાઠોડ (ઉં.વ.૨૦) આજે સવારે પોતાની મોટર સાયકલ પર નવસારી છાપરા રોડ ખાતે આવેલ પરમેશ ડાયમંડ ખાતે નોકરી પર જઈ રહ્યા હતા.
આ દરમિયાન છાપરા રોડ પર રત્નાકર સોસાયટી ખાતે પુરપાટ ઝડપે અને ગફલતભરી રીતે પસાર થતા ટ્રક કન્ટેનર (નં એમ,એચ, ૪૩ બીજી ૫૯૬૪) ના ડ્રાઈવરે કાબુ ગુમાવી દેતા કિશોરભાઈ હળપતિ ની મોટર સાયકલ સાથે ધડાકાભેર અથડાતાં ગોઝારો અકસ્માત સર્જાયો હતો.
જેમાં રસ્તા પર ફંગોળાઇ ગયેલા મોટર સાયકલ સવાર કિશોરભાઈ હળપતિ સહિત ત્રણએ રસ્તા પર પટકાયા હતા. રસ્તા પર પડેલી દિવ્યા રાઠોડ ના શરીર પરથી ટ્રક ફરી વળતાં ઘટના સ્થળે તેનું કમકમાટી ભર્યું મોત નિપજયુ હતું. ટ્રક ડ્રાઇવર ફરાર થઈ ગયો હતો. આ બનાવ અંગે રૂરલ પોલીસમાં કિશોરભાઈ ઠાકોરભાઈ હળપતિએ અકસ્માત અંગે અજાણ્યા ટ્રક કન્ટેનરના ડ્રાઈવર વિરૂદ્ધ ફરિયાદ નોંધાવતા વધુ તપાસ પીઆઈ ડી કે પટેલ કરી રહ્યા છે.
વાંસદા ધરમપુર રોડ પર શેરડી ભરેલા ટેમ્પાએ બાઈકને ટક્કર મારી: ત્રણને ગંભીર ઈજા
વાંસદા: વાંસદા ધરમપુર રોડ ઉપર શેરડી ભરેલો એક ટેમ્પો, બાઈકને ટક્કર માર્યા બાદ પલ્ટી ગયો હતો. આ અકસ્માતમાં બાઈકચાલક ઉપરાંત ટેમ્પોના ડ્રાઈવર-ક્લિનરને પણ ગંભીર ઈજા પહોંચતા હોસ્પિટલ ખસેડાયા છે.
વાંસદા – ધરમપુર રોડ ઉપર વાડીચોંઢા ગામ પાસે વળાંકમાં સાંજના સમયે ધરમપુર સાઇડેથી આવી રહેલ શેરડી ભરેલો આઇસર ટેમ્પો નં. MH48 T3228ના ચાલકે આગળ જઈ રહેલ મોપેડ મો.સા. નં. GJ 21AS 6345ને જોરદાર ટક્કર મારતાં ગંભીર અકસ્માત સર્જાયો હતો. બાઇકને ટક્કર લાગ્યા બાદ ટેમ્પો પણ પલટી ગયો હતો. આ અકસ્માતમાં બાઈક ચાલકને હાથના ભાગે ઈજા પહોંચી હતી. સાથે જ ટ્રકના ડ્રાઈવર-ક્લીનરને પણ ગંભીર ઈજાઓ પહોંચતાં ગંભીર રીતે ઘવાયેલા ત્રણેય વ્યક્તિઓને વાંસદા કોટેજ હોસ્પિટલ ખાતે સારવાર માટે ખસેડવામાં આવ્યા હતાં.
