અમદાવાદ- અમદાવાદ (Ahmedabad) મેટ્રો (Metro) ફેસ-૧નું સમયપત્રક, જે હાલ સવારે ૯થી રાત્રે ૮ વાગ્યા સુધીનું છે, ત્યારે વિદ્યાર્થીઓ (Student) તથા નોકરિયાતોને સવલત રહે એ ધ્યાને લેતાં ગુજરાત મેટ્રો રેલ દ્વારા તા.૩૦-૦૧-૨૦૨૩ના રોજથી અમલમાં આવે એ રીતે હાલના ૯થી ૮ની સમયમર્યાદા વધારીને સવારે ૭થી રાત્રે ૧૦ સુધી હંગામી ધોરણે કરવાનો નિર્ણય કર્યો છે. હાલ માંગ જોતા પૂર્વ-પશ્ચિમમાં દર ૧૮ મિનીટે અને ઉત્તર-દક્ષિણમાં દર ૨૫ મિનીટે ટ્રેનની વ્યવસ્થા છે, જેને મુસાફરોની સંખ્યા જોતાં તેનો દર ૧૫ મિનીટ (પીક સમય)ના ગાળા સુધી કરવાની તૈયારી રાખેલી છે. આ રીતે એક મહિના માટે ટ્રેન સેવા ચલાવીને ખરેખર જરૂરિયાત અંગે અભ્યાસ કરીને આગળના સમયપત્રકનો નિર્ણય લેવામાં આવશે.
