ગુજરાત: ગુજરાતમાં (Gujarat) ડિસેમ્બરમાં વિધાનસભાની ચૂંટણી (Election) છે. આવી સ્થિતિમાં આ ચૂંટણીમાં સ્વર્ગસ્થ અહેમદ પટેલની ગેરહાજરીમાં કોંગ્રેસ (Congress) પક્ષના નેતાઓ ખાલીપો અનુભવી રહ્યા છે. કોંગ્રેસના નેતાઓ માટે અહેમદ પટેલનો અર્થ દરેક રોગની દવા હતો. કોંગ્રેસના નેતાઓએ કહ્યું કે, આ વખતની વિધાનસભાની ચૂંટણીમાં પક્ષની સમસ્યાઓ અને પડકારોને માર્ગદર્શન આપવા અને ઉકેલવા માટે કોઈ નેતા નથી.
જણાવી દઈએ કે અહેમદ પટેલની રાજકીય કારકિર્દી 1976માં શરૂ થઈ હતી, જ્યારે તેઓ પહેલીવાર સ્થાનિક સંસ્થાઓની ચૂંટણી લડ્યા હતા. ત્યારબાદ તેઓ યુથ કોંગ્રેસમાં જોડાયા હતા. ઇન્દિરા ગાંધીએ તેમને 1977માં ભરૂચ લોકસભા મતવિસ્તારમાંથી મેદાનમાં ઉતાર્યા હતા, જ્યાંથી તેઓ 1977, 1980 અને 1984માં ત્રણ વખત ચૂંટાયા હતા, પરંતુ 1989 અને 1991માં તેઓ હારી ગયા હતા. 1985 માં, પાર્ટી નેતૃત્વએ તેમને ગુજરાત કોંગ્રેસના અધ્યક્ષ તરીકે નિયુક્ત કર્યા, જ્યાં તેમણે ત્રણ વર્ષ સુધી સેવા આપી.
યુનુસ પટેલે સ્વ. અહેમદ પટેલ અંગે જણાવ્યું હતું કે, “ઉમેદવારોની પસંદગી કરતા પહેલા, તેઓ તાલુકા પ્રમુખો, જિલ્લા અથવા શહેર પ્રમુખો અને અધિકારીઓ પાસેથી પ્રતિસાદ લેતા હતા. પટેલને હંમેશા આ માટે યાદ કરવામાં આવે છે.” યુનુસે કહ્યું કે ગુજરાત યુનિટને તેઓ જીવતા હતા ત્યાં સુધી ક્યારેય ભંડોળની અછતનો સામનો કરવો પડ્યો નથી.
ગૌરવ પંડ્યા તેઓ માટે કહે છે, “અહેમદ પટેલ રાજ્ય અને કેન્દ્રીય નેતૃત્વ વચ્ચે સેતુ સમાન હતા. તેમની હાજરીથી રાષ્ટ્રીય નેતાઓ માટે રાજ્યમાં પ્રચાર કરવાનું સરળ બન્યું હતું. રાજ્ય સ્તરે, તેમણે પક્ષના કાર્યકર્તાઓમાં કામની વહેંચણી કરી હતી. તેઓ યોગદાન આપી રહ્યા હતા તેવી લાગણી પાર્ટી આજે ગાયબ છે. જ્યાં સુધી તેઓ જીવતા હતા ત્યાં સુધી AIMIM ગુજરાતમાં ચૂંટણી લડવાની હિંમત કરી ન હતી. તેને તેમનો અંગત સંબંધ કે AIMIM નેતૃત્વ સાથેનો તેમનો પ્રભાવ કહી શકાય. હવે પટેલ નથી રહ્યા, AIMIM રાજ્યમાં ચૂંટણી લડી રહ્યું છે. આ ઉપરાંત તેઓએ જણાવ્યું કે આ વખતની ચૂંટણીઓ કોંગ્રેસ માટે મુશ્કેલ બનાવે છે.”
કોંગ્રેસના પ્રદેશ મહાસચિવ ગુલાબખાન રાયમાએ કહ્યું, ઉપરના તમામ નેતાઓની વાત પરથી જાણવા મળે છે કે તેઓ કેટલી ઊંચી પદવી ઘરાવતા હતા અને પાર્ટી તેમને કેવી રીતે મિસ કરી રહી છે. ડેમેજ કંટ્રોલે અહેમદભાઈની સૌથી મોટી તાકાત હતી, પછી તે અપક્ષ ઉમેદવારો હોય કે પાર્ટીમાં બળવો. તેઓને ફોન કરવાથી તમામ સમસ્યાના સમાધાન આવી જતા હતા. તેઓ સારી રીતે જાણતા હતા કોને સમજાવવા અને કેવી રીતે. આનાથી પાર્ટીના ઉમેદવારોને સૌથી ઓછા પડકારો ઉભા થયા હતા.”
