મધ્યપ્રદેશ: પશ્ચિમ રેલવેના રતલામ રેલવે ડિવિઝનમાં (Ratlam Railway Division) એક ખૂબ જ વિચિત્ર ઘટના બની છે. જ્યારે એક મુસાફરે સામાન્ય લોકોની મદદ માટે બનાવેલી રેલ મદદ એપ (App) પર ટ્રેનની (Train) વિલંબની માહિતી માંગી તો તેને રેલવે તરફથી જવાબ મળ્યો કે તમારા પિતાનું શું જાય છે. રેલવેના ઉચ્ચ અધિકારીઓ પાસેથી આ માહિતી મળ્યા બાદ ત્રણ રેલવે કર્મચારીઓને સસ્પેન્ડ કરવામાં આવ્યા છે. ડિવિઝનલ રેલવે મેનેજર વિનીત ગુપ્તાએ આ વાતની પુષ્ટિ કરી હતી.
- એક મુસાફરે ગોલ્ડન ટેમ્પલ એક્સપ્રેસના સમય વિશે માહિતી માંગી હતી
- રતલામ રેલવે ડિવિઝનમાં ખળભળાટ મચી ગયો
- સંચાલન વિભાગના ત્રણ કર્મચારીઓને તાત્કાલિક અસરથી સસ્પેન્ડ કરવામાં આવ્યા
આ આખો મામલો મધ્યપ્રદેશના રતલામમાં આવેલી રેલ્વે ડિવિઝન પાસે માગેલી રેલ્વેની રેલ મદદ એપનો છે. આ એપ દ્વારા એક મુસાફરે ગોલ્ડન ટેમ્પલ એક્સપ્રેસના સમય વિશે માહિતી માંગી હતી, તો પેસેન્જરને એપ દ્વારા જવાબ મળ્યો કે તમારા પિતાનું શું જાય છે. આ જવાબ સાંભળીને મુસાફર પણ આશ્ચર્યચકિત થઈ ગયો હતો. રેલવે કર્મચારીઓના આ અપશબ્દોમાં મળેલા જવાબ વિશે મુસાફરે તરત જ રેલવે મંત્રાલયને ટ્વિટ કર્યું હતું. જ્યારે રેલવે મંત્રાલયે આ જવાબ રતલામ રેલવે ડિવિઝનના અધિકારીઓને મોકલ્યો ત્યારે આ જોઈને રતલામ રેલવે ડિવિઝનમાં ખળભળાટ મચી ગયો હતો. આ પછી સંચાલન વિભાગના ત્રણ કર્મચારીઓને તાત્કાલિક અસરથી સસ્પેન્ડ કરવામાં આવ્યા હતા.
આ સમગ્ર ઘટના અંગે ખુદ ડીઆરએમએ પુષ્ટિ કરી છે. વિભાગના કેટલાક કર્મચારીઓએ આ મામલે ઢાંકપિછોડો કરીને તેને માનવીય ભૂલ ગણાવીને ખોટી કોપી-પેસ્ટિંગની વાત પણ શરૂ કરી દીધી હતી. આ મામલો સામાન્ય લોકોના ધ્યાને આવ્યા બાદ દરેક લોકો રેલવેના જવાબદારોને કોસી રહ્યા છે. તે જ સમયે રેલ્વેએ તેમની વિશ્વસનીયતા બચાવવા માટે ત્રણ કર્મચારીઓને સસ્પેન્ડ કરીને સામાન્ય જનતાને સંદેશ આપવાનો પ્રયાસ કર્યો છે, મુસાફરો દ્વારા આ પ્રકારનું વર્તન સહન કરવામાં આવશે નહીં.
