કેન્દ્રીય માર્ગ પરિવહન અને રાજમાર્ગ મંત્રી (Minister of Road Transport and Highways) નીતિન ગડકરીએ (Nitin Gadkari) કહ્યું છે કે તમામ જૂના વાહનોમાં નવી નંબર પ્લેટ લગાવવામાં આવશે જેથી GPS અને આધુનિક ટેક્નોલોજીનો ઉપયોગ કરીને સેટેલાઇટ મોનિટરિંગ (Satellite Monitoring) કરી શકાય. તેમણે કહ્યું કે આનો લાભ વાહનચાલકોને મળશે. આ ટેકનિકનો ઉપયોગ ટોલ પ્લાઝાને દૂર કરવામાં ખૂબ અસરકારક સાબિત થઈ શકે છે. નીતિન ગડકરીએ કહ્યું કે નવા વાહનોમાં ટેમ્પર પ્રૂફ ઉચ્ચ સુરક્ષા નોંધણી પ્લેટનો ઉપયોગ વર્ષ 2019માં શરૂ થયો હતો. જ્યાંથી સરકારી એજન્સી વાહનોની તમામ માહિતી મેળવી શકશે. હવે આ ટેક્નોલોજીનો ઉપયોગ તમામ વાહનો માટે થશે.
નોંધનીય છે કે દેશમાં 21 કરોડથી વધુ ટુ વ્હીલર અને સાત કરોડથી વધુ ફોર વ્હીલર અને તેનાથી વધુ શ્રેણીના વાહનો નોંધાયેલા છે. કેન્દ્રીય મંત્રી નીતિન ગડકરીએ લોકસભામાં એક પ્રશ્નના લેખિત જવાબમાં આ માહિતી આપી હતી. તેમણે એ પણ માહિતી આપી હતી કે 5,44,643 ઇલેક્ટ્રિક ટુ વ્હીલર્સ અને 54,252 ઇલેક્ટ્રિક ફોર વ્હીલર્સ અને તેનાથી વધુ શ્રેણીના વાહનો ભારતમાં છે. આ બધાજ વાહનોમાં નવી નંબર પ્લેટ લાગશે. જેથી સેટેલાઈટ ટેક્નોલોજી દ્વારા આ તમામ વાહનોનું મોનિટરિંગ કરી શકાશે.
નવી નંબર પ્લેટથી થશે આ લાભ
કેન્દ્રીય મંત્રી દ્વારા જૂના વાહનોને ચોક્કસ સમાન નંબર પ્લેટ આપવાનો નિર્ણય લેવામાં આવ્યો છે. આ ટેક્નોલોજીનો સૌથી મોટો ફાયદો એ છે કે હાલમાં એકબીજાથી 90 કિમી દૂર આવેલા ટોલ પ્લાઝા માટે સંપૂર્ણ ફી ચૂકવવી પડે છે. પરંતુ જો તમે 30 કિમી હાઇવે પર મુસાફરી કરશો તો નવી ટેક્નોલોજીની મદદથી અડધી કિંમત જ વસૂલવામાં આવશે.
આ પહેલા ગડકરીએ રાજ્યસભામાં માહિતી આપતા કહ્યું હતું કે નંબર પ્લેટ નવી ટેક્નોલોજી સાથે લાવવામાં આવી છે. વાહન ઉત્પાદકે નવી નંબર પ્લેટ લગાવવી ફરજિયાત છે. તેમાં કોમ્પ્યુટરાઈઝડ સિસ્ટમ હશે જેના દ્વારા કોઈ નવા સોફ્ટવેરનો ઉપયોગ કરીને ટોલ વસૂલી શકશે. નંબર પ્લેટ ટેક્નોલોજી અને અત્યાધુનિક કોમ્પ્યુટરાઈઝ્ડ ડિજિટલ સિસ્ટમ પર કોઈ ટોલ પ્લાઝા નહીં હોય. આના દ્વારા આપણે રાહત આપી શકીએ છીએ. કતારો નહીં લાગે અને લોકોને મોટી રાહત મળશે. ,
તેમણે કહ્યું કે હું આ નવી ટેક્નોલોજીને છ મહિનામાં શરૂ કરવા માટે મારા સ્તરે શ્રેષ્ઠ પ્રયાસ કરીશ, કારણ કે તે સમયની જરૂરિયાત છે. દેશના લોકો માટે અને ટ્રાફિકની સમસ્યાથી છુટકારો મેળવવા માટે આ મહત્વપૂર્ણ છે. તેમણે કહ્યું કે ટોલવાળા હાઈવે પર ચાલતી કારને ચોક્કસ સમય માટે ટોલ ચૂકવવો પડશે અને ફક્ત તે જ સમયનો ટોલ ખાતામાંથી કાપવામાં આવશે.
