નવી દિલ્હી: મહોમ્મદ પયગંબર(Prophet Muhammad) વિશે ટિપ્પણી કરનાર ભારતીય જનતા પાર્ટી(BJP)ના સસ્પેન્ડ પ્રવક્તા નુપુર શર્મા(Noopur Sharma) વિરુદ્ધ સુપ્રીમ કોર્ટ(Supreme Court)ની ટિપ્પણી બાદ ફરી એકવાર રાજકારણ ગરમાયું છે. ભારતમાં વિપક્ષી પાર્ટીના નેતાઓ હિંસા માટે નૂપુરને જવાબદાર ઠેરવી રહ્યા છે, ત્યારે શાસક પક્ષ આ મામલે કંઈપણ કહેવાથી બચી રહ્યો છે. ભારત સિવાય હવે આ મામલો વિદેશમાં પણ જોર પકડવા લાગ્યો છે, પરંતુ આ બધાની વચ્ચે નેધરલેન્ડ(Netherland)ના જમણેરી રાજકારણી અને સાંસદ(MP) ગીર્ટ વિલ્ડર્સે નૂપુર શર્માનો બચાવ કર્યો છે. સુપ્રીમ કોર્ટની ટિપ્પણી બાદ વાઈલ્ડર્સે પોતાનો જવાબ આપ્યો છે. તેમણે કહ્યું કે કન્હૈયાલાલની હત્યા માટે નુપુર શર્મા જવાબદાર નથી અને તેમણે કોઈપણ સંજોગોમાં માફી માંગવી જોઈએ નહીં. તમને જણાવી દઈએ કે, સુપ્રીમ કોર્ટે શુક્રવારે નુપુર શર્માને ફટકાર લગાવી હતી અને કહ્યું હતું કે ઉદયપુરમાં દરજીની હત્યા સહિત દેશમાં જે કંઈ પણ થઈ રહ્યું છે તેના માટે તે જ જવાબદાર છે.
ગીર્ટ વિલ્ડર્સે તીખી પ્રતિક્રિયા આપી
નેધરલેન્ડના સાંસદે કહ્યું કે, મને લાગ્યું કે ભારતમાં શરિયા અદાલતો નથી. તેઓ(નુપુર શર્મા)એ મહોમ્મદ પયગંબર વિશે સાચું બોલવા બદલ ક્યારેય માફી માંગવી જોઈએ નહીં. તે ઉદયપુર હિંસા માટે જવાબદાર નથી. કટ્ટરપંથી અસહિષ્ણુ મુસ્લિમો જવાબદાર છે, બીજું કોઈ નહીં. જણાવી દઈએ કે આ પહેલા પણ ડચ સાંસદે આ મામલે પ્રતિક્રિયા આપી હતી. તેમણે કહ્યું હતું કે ‘તે ખૂબ જ હાસ્યાસ્પદ છે કે અરબ અને ઇસ્લામિક દેશો ભારતીય નેતા નુપુર શર્માને પયગંબર વિશે સત્ય કહેવા પર ગુસ્સે છે. ભારતે શા માટે માફી માંગવી જોઈએ?’ વાઈલ્ડર્સે ભારતીયોને નૂપુર શર્માનો બચાવ કરવાની સલાહ આપી હતી. તેણે ટ્વીટ કરીને કહ્યું, ‘તુષ્ટીકરણ ક્યારેય કામ કરતું નથી. તે વસ્તુઓને વધુ ખરાબ બનાવે છે. એટલા માટે મારા ભારતના મિત્રો, તમે મુસ્લિમ દેશોના જોખમમાં ન આવશો. સ્વતંત્રતા માટે ઉભા રહો અને તમારા નેતા નુપુર શર્માનો બચાવ કરવામાં ગર્વ અનુભવો.
સુપ્રીમ કોર્ટે ગઈ કાલે જ નુપુર શર્માને માફી માંગવા કહ્યું હતું
સુપ્રીમ કોર્ટે શુક્રવારે પયગંબર મોહમ્મદ વિરુદ્ધ ટિપ્પણી સંબંધિત નુપુર શર્મા કેસમાં કડક વલણ અપનાવ્યું હતું. કોર્ટે નુપુર વિરુદ્ધ અત્યાર સુધી કોઈ કાર્યવાહી ન કરવા પર સખત નારાજગી વ્યક્ત કરી હતી. આકરી ટીપ્પણી કરતાં તેમણે કહ્યું કે તેમના નિવેદનથી દેશ ઉકળ્યો છે. કોર્ટે નુપુરને ટીવી પર આવીને માફી માંગવા પણ કહ્યું હતું. સુપ્રીમ કોર્ટે પૂછ્યું કે શું નુપુર ખતરામાં છે કે તેના નિવેદનથી દેશ ખતરામાં છે. સુપ્રીમ કોર્ટે કહ્યું કે જે પણ થઈ રહ્યું છે, અમે તેનાથી વાકેફ છીએ. જેની વિરૂદ્ધ નૂપુર શર્માએ ટિપ્પણી કરી હતી તેની ધરપકડ કરવામાં આવી હતી, પરંતુ હજુ સુધી નુપુર શર્મા વિરુદ્ધ કોઈ પગલાં લેવાયા નથી.
