ભરૂચ: ભરૂચના (Bharuch) કુકરવડા (Kukarwada ) ગામે દેશી દારૂની ભઠ્ઠીઓ (Brewery) પર ગ્રામજનોએ જનતારેડ કરી 15 થી વધુ ભઠ્ઠીઓ તોડી પાડી હતી. ભરૂચના કુકરવાડા ગામે ખેતરો અને અવાવરુ જગ્યાએ દેશી દારૂની ભઠ્ઠીઓ ધમધમી રહી છે. આ ભઠ્ઠીઓ ચલાવનાર બુટલેગરોને (Bootlegger) જાણે કે કાયદાનો કે પોલીસનો કોઈ ડર જ ન હતો. કુકરવાડાના બુટલેગરોએ ગામના એક યુવાન ઉપર જીવલેણ હુમલો કરતા ગ્રામજનો રોષે ભરાઈને રેડ કરી 15થી વધુ દારૂની ભઠ્ઠીનો નાશ કર્યો હતો. ગ્રામજનોની માંગણી છે કે પોલીસે પણ દારૂના દૂષણને ડામવા કડક કડક કાર્યવાહી કરે અને ગ્રામજનોને સહકાર આપે.
- પોલીસે કોઈ એક્શન ન લેતાં ગ્રામજનોમાં રોષ
- કુકરવાડા ગામે ખેતરો અને અવાવરુ જગ્યાએ દેશી દારૂની ભઠ્ઠીઓ ધમધમી રહી હતી
- બુટલેગરોને જાણે કે કાયદાનો કે પોલીસનો કોઈ ડર જ ન હતો
દમણથી ટ્રકમાં ઘુસાડવામાં આવી રહેલો દારૂ સુરતના વરાછા વિસ્તારમાંથી ઝડપાયો
સુરત: (Surat) ક્રાઈમ બ્રાંચની ટીમે બાતમીના આધારે વહેલી સવારે સુરત વરાછા મેઇન રોડ (Varachha Main Road) વૈશાલી ત્રણ રસ્તા , આર્શિવાદ હોટલની સામે બ્રિજ ઉતરતા રોડ ઉપરથી ડ્રાઈવર સુજીતસીંગ ઉર્ફે વિશાલસીંગ શ્રીરામલખનસીંગ રાજપુત (ઉ.વ.24 રહે. બોમ્બે હોટલની પાછળ, વાપી તથા મુળ સાહીગંજ, જોનપુર, યુ.પી.) તથા રાહુલ ઉર્ફે રાહુલ ટકલો ભાગવતભાઇ અહેરવાડ યાદવ (ઉ.વ.21, જાગૃતિ કોમ્પ્લેક્ષ, વેડ રોડ, સુરત તથા મુળ ઝાંસી, યુ.પી.) ને ટાટા કાર્ગો ટ્રક (GJ-15-YY-8314) સાથે ઝડપી પાડ્યા હતા. ટ્રકમાંથી 14.14 લાખની કિમતની દારૂની (Alcohol) કુલ 11,232 બોટલ મળી આવી હતી.
આરોપીની પુછપરછ કરતા વેડ રોડ પ્રાણનાથ હોસ્પિટલ પાસે રહેતા “વિજય અરજણભાઇ પરમાર તથા ભરતભાઇ છગનભાઇ મેવાડાએ દારૂ / બીયરનો જથ્થો મંગાવ્યો હોવાની કબૂલાત કરી હતી. આરોપી અરૂણસીંગ (રહે.વાપી) એ ટ્રકની વ્યવસ્થા કરી દમણ ખાતેથી વિરેન્દ્રકુમાર ઉર્ફે રાજુ પંડીત તથા પરમેશ્વર ઉર્ફે સાહદુ પાસેથી દારૂનો જથ્થો ટ્રકમાં ભરાવી આપ્યો હતો. વિજય અરજણભાઇ પરમાર, ભરતભાઇ છગનભાઇ મેવાડા (બન્ને રહે , વેડ રોડ પ્રાણનાથ હોસ્પિટલ પાસે), અરૂણસીંગ (રહે.વાપી), પરમેશ્વર ઉર્ફે સાહદુ પાંડે તથા વિરેન્દ્રકુમાર ઉર્ફે રાજુ પંડીતને વોન્ટેડ જાહેર કરાયા હતા. પોલીસે ટ્રક, દારૂ મળીને આશરે કુલ 30 લાખનો મુદ્દામાલ કબજે કર્યો હતો.
