હાલોલ : હાલોલ જીઆઈડીસી ખાતે શનિવારે વહેલી પરોઢે એક ખાનગી કંપનીમાં ભીષણ આગ લાગવાના બનાવના પડઘમ શાંત પડ્યા નથી ત્યાં હાલોલ પંથકમાં ભીષણ આગ લાગવાનો વધુ એક બનાવ પાવાગઢ બાયપાસ રોડ પર બનવા પામ્યો હતો. જેમાં રવિવારે વહેલી સવારે પાવાગઢ બાયપાસ રોડ પર આવેલ ભંગારના ગોડાઉનમાં એકાએક કોઈ કારણોસર આગ લાગવા પામી હતી. જેમાં જોતજોતામાં આગે વિકરાળ સ્વરૂપ ધારણ કરી લેતા આસપાસના ભંગારનાં ગોડાઉન પણ આગની લપેટમાં આવી ગયા હતા. જેમાં પાંચ જેટલા ગોડાઉનો આગની જ્વાળાઓથી ભસ્ભૂમીત બનવા પામતાં આકાશમાં ધુમાડાના ગોટેગોટા ઉઠવા પામ્યા હતા. જેમાં આગના બનાવને લઇને સમગ્ર પાવાગઢ બાયપાસ રોડ પર અફરાતફરી સાથે દોડધામ મચી જવા પામી હતી. જેમાં આગની બનાવની જાણ થતા હાલોલ ફાયર ફાઈટરની ટીમ સહિત કાલોલ ફાયર ફાઈટરની ટીમના 4 અગ્નિશામક વાહનોના જવાનો આગને ઓલવવાની કોશિશમા જોતરાયા હતા. વિકરાળ આગને કાબૂમાં જોતરાયેલા હાલોલ કાલોલ ફાયર ફાયટરના જવાનોએ કલાકોની ભારે જહેમત બાદ આગ પર કાબૂ મેળવ્યો હતો.
