નવી દિલ્હી: દિલ્હીના લેફ્ટનન્ટ ગવર્નરે દિલ્હી મહિલા આયોગમાંથી 223 કર્મચારીઓને તાત્કાલિક અસરથી હટાવી દીધી છે. દિલ્હી મહિલા આયોગના તત્કાલીન અધ્યક્ષ સ્વાતિ માલીવાલે નિયમોની વિરુદ્ધ જઈને પરવાનગી વિના તેમની નિમણૂક કરી હોવાનો આરોપ છે.
ગર્વનરના આદેશમાં DCW એક્ટનો ઉલ્લેખ કરવામાં આવ્યો છે, જે જણાવે છે કે કમિશનમાં માત્ર 40 પોસ્ટ જ મંજૂર છે અને DCW પાસે કોન્ટ્રાક્ટ પર કર્મચારીઓની નિમણૂક કરવાનો અધિકાર નથી.
ડીસીડબ્લ્યુ ડિપાર્ટમેન્ટના એડિશનલ ડાયરેક્ટર દ્વારા જારી કરવામાં આવેલા આ આદેશમાં એમ પણ કહેવામાં આવ્યું છે કે નવી નિમણૂકો પહેલા કોઈ મૂલ્યાંકન કરવામાં આવ્યું ન હતું અને વધારાના નાણાકીય બોજ માટે પરવાનગી લેવામાં આવી ન હતી. ફેબ્રુઆરી 2017માં તત્કાલિન લેફ્ટનન્ટ ગવર્નરને સોંપવામાં આવેલા તપાસ રિપોર્ટના આધારે આ કાર્યવાહી કરવામાં આવી છે.
સ્વાતિ માલીવાલે જાન્યુઆરી 2024માં કમિશનના અધ્યક્ષ પદ પરથી રાજીનામું આપ્યું હતું. અરવિંદ કેજરીવાલે તેણીને આમ આદમી પાર્ટી વતી રાજ્યસભામાં સાંસદ પદ માટે નોમિનેટ કર્યા હતા.
મહિલા આયોગે 2016 માં નિમણૂંકો અંગે પત્ર મોકલ્યો હતો
DWCD ને 10 સપ્ટેમ્બર 2016 ના રોજ મહિલા આયોગ (DCW) તરફથી એક પત્ર મળ્યો હતો. જેમાં એવું લખવામાં આવ્યું હતું કે 9 સપ્ટેમ્બર 2016ના રોજ મળેલી બેઠકમાં મહિલા આયોગે DCW એક્ટ 1994નો ઉપયોગ કરીને 223 વધારાની નિમણૂંકો કરી હતી. આ નિમણૂકોની જરૂરિયાત, લાયકાત અને કર્મચારીના અનુભવ અંગેની માહિતી પણ DWCDને મોકલવામાં આવી છે.
કર્મચારીઓએ હાઈકોર્ટમાં અરજી કરી
મીના કુમારી સહિત 223 કર્મચારીઓએ હાઈકોર્ટમાં અરજી કરી હતી કે તેમને વેતન આપવામાં આવે. હાઈકોર્ટે વચગાળાના આદેશમાં પગાર મુક્ત કરવાનો આદેશ કર્યો હતો. આ પછી DWCDએ હાઈકોર્ટમાં એફિડેવિટ દાખલ કરી. DWCDએ હાઈકોર્ટને જણાવ્યું કે આ નિમણૂંકોમાં નિયમો અને શરતોનું ઉલ્લંઘન કરવામાં આવ્યું છે. ડીડબ્લ્યુસીડીએ હાઈકોર્ટને જણાવ્યું કે ઓડિટ રિપોર્ટમાં ઘણી ગેરરીતિઓ જોવા મળી હતી. જે બાદ એન્ટી કરપ્શન બ્રાન્ચમાં કેસ નોંધવામાં આવ્યો હતો.
નિમણૂકોની તપાસ ફેબ્રુઆરી 2017 માં શરૂ થઈ હતી.
DWC સભ્ય સચિવની એફિડેવિટ અને ઓડિટ રિપોર્ટના આધારે, LG એ મહિલા આયોગમાં ગેરકાયદેસર નિમણૂકો અને નાણાકીય અનિયમિતતાઓની તપાસ કરવા માટે એક સમિતિની રચના કરી હતી.
