નાગપુર,તા. 15(પીટીઆઇ): કોવિડ-19 ના કેસોમાં વધારો થયા બાદ સોમવારે નાગપુરમાં એક સપ્તાહ માટે કડક પ્રતિબંધ સાથેનો લોકડાઉન અમલમાં આવ્યો હતો અને અધિકારીઓએ અહીં મહારાષ્ટ્રમાં પ્રોટોકોલનું ઉલ્લંઘન કરનારાઓ સામે કડક પગલાં લેવાની ચેતવણી આપી હતી. દિવસ દરમિયાન સેંકડો વ્યક્તિઓને માસ્ક ન પહેરવા બદલ દંડ કરવામાં આવ્યો હતો અને વાહનો કબજે લેવાયા હતા.
સાંજે પત્રકારો સાથે વાત કરતા શહેર પોલીસ કમિશનર અમિતેશ કુમારે માહિતી આપી હતી કે બપોરના 3 વાગ્યા સુધીમાં, 636 વાહનોને અનિચ્છનીય ચળવળ માટે અટકાયતમાં લેવામાં આવ્યા હતા, માસ્ક ન પહેરવા બદલ 861 લોકોને દંડ ફટકારવામાં આવ્યો હતો, અને શારીરિક અંતર ન જાળવવા બદલ 363 દંડ ફટકારવામાં આવ્યો હતો. વિવિધ પોલીસ સ્ટેશનો પર 14 જેટલા ગુના નોંધાયા હતા.
નાગપુરના પોલીસ કમિશનર અમિતેશ કુમારે સવારે અહીં કેટલાક મુખ્ય રસ્તાઓની મુલાકાત લીધી અને લોકડાઉન અમલીકરણની સમીક્ષા કરી, જે 21 માર્ચ સુધી અમલમાં રહેશે.
જિલ્લા વહીવટી તંત્રના જણાવ્યા મુજબ લોકોને રસ્તા પર બિનજરૂરી હિલચાલ થવા કરવા દેવાશે નહીં. કુમારે કહ્યું કે નાગપુરમાં 99 અને શહેરની સરહદ પર આઠ ચેક પોઇન્ટ છે.
ઉપરાંત, લોકડાઉનના યોગ્ય અમલ માટે મોબાઈલ પેટ્રોલિંગ વાહનો, સ્ટેટ રિઝર્વ પોલીસ ફોર્સ (એસઆરપીએફ) ની બે કંપનીઓ, આરસીપી (રાયોટ કંટ્રોલ પોલીસ) ની છ પ્લેટન અને 500 હોમગાર્ડ્સ તેનાત કરવામાં આવ્યા હતા.
અધિકારીએ જણાવ્યું હતું કે લોકડાઉન દરમિયાન માત્ર ટૂ વ્હીલર પર એક અને ફોર વ્હીલરમાં બે વ્યક્તિઓને મુસાફરી કરવાની છૂટ રહેશે.
જો કે, બે વ્યક્તિને ટુ વ્હીલર પર જ મંજૂરી આપવામાં આવશે જો તેઓને હોસ્પિટલમાં જવાનું હશે અથવા રસીકરણ માટે જ જતાં હશે.
જિલ્લા વહીવટીતંત્ર દ્વારા નિર્ધારિત માર્ગદર્શિકા મુજબ નાગપુરના રહેવાસીઓને અન્ય શહેરોમાં જવાની મંજૂરી આપવામાં આવી હતી.
પોલીસના જણાવ્યા અનુસાર, નાગપુરથી પસાર થનારા અથવા માલવાહક વાહનોને આઉટર રીંગરોડ પરથી જવાની મંજૂરી આપવામાં આવી છે.
આ નિયંત્રણોને ધ્યાનમાં રાખીને બોમ્બે હાઈકોર્ટના નાગપુર બેંચ સોમવારથી 21 માર્ચ સુધી વીડિયો-કોન્ફરન્સિંગ દ્વારા કેસોની સુનાવણી કરશે.
નાગપુરના ગાર્ડિયન મંત્રી નીતિન રાઉતે ગુરુવારે અહીં કોવિડ -19 કેસોમાં ઉછાળાને પગલે અઠવાડિયા લાંબા કડક લોકડાઉન કરવાની ઘોષણા કરી હતી.
