સરકારે મંગળવારે રાજ્યસભામાં માહિતી આપી હતી કે, રસીકરણને કારણે ઉભી થતી કોઈપણ પ્રકારની આડઅસર અથવા તબીબી ગૂંચવણો સામે કોવિડ-19 રસી લેનારાઓને વીમાની જોગવાઈ નથી. કોવિડ -19 રસીકરણ સંપૂર્ણપણે લાભકર્તા માટે સ્વૈચ્છિક છે, આરોગ્ય રાજ્ય મંત્રી અશ્વિની ચૌબેએ શું કોવિડ-19 રસીના કોઈપણ પ્રકારની આડઅસર અથવા તબીબી ગૂંચવણો સામે વીમો આપવામાં આવે છે કે કેમ તે અંગેના પ્રશ્નના જવાબમાં આ માહિતી આપી હતી.
ચૌબેએ લેખિતમાં જણાવ્યું હતું કે, દરેક રસીકરણ સ્થળ પર એનાફિલેક્સિસ કીટની ઉપલબ્ધતા, એઇએફઆઈ મેનેજમેન્ટ સેન્ટરમાં તાત્કાલિક સંદર્ભ અને કોઈપણ પ્રતિકૂળ ઘટનાઓ માટે સત્ર સ્થળે રસી પ્રાપ્તકર્તાઓનું 30 મિનિટ નિરીક્ષણ જેવા પગલા લેવામાં આવ્યા છે, જેથી સમયસર સુધારાત્મક પગલાની ખાતરી કરવામાં આવે.
તેમણે જણાવ્યું હતું કે, આવા કેસોના એઇએફઆઈ મેનેજમેન્ટને જાહેર આરોગ્ય સુવિધાઓમાં વિના મૂલ્યે સારવાર આપવામાં આવે છે.કોવેક્સિન અને કોવિશિલ્ડના ઉપયોગથી ઉત્પન્ન થતી ઇમ્યુનાઇઝેશન (એઇએફઆઈ) પછીના પ્રતિકૂળ અસરો પર, ચૌબેએ 4 ફેબ્રુઆરીએજણાવ્યું હતું કે, કોવેક્સિન દ્વારા રસીકરણ કરાયેલા કુલ લાભાર્થીઓમાંથી કુલ એડવર્સ ઇવેન્ટ ફોલોવિંગ ઇમ્યુનાઇઝેશન (એઇએફઆઈ) 0.096 ટકા નોંધાયો છે. કોવિશિલ્ડ રસી માટે, કુલ 8,402 એઇએફઆઈ, એટલે કે 0.192 ટકા એઇએફઆઈ કેસ નોંધાયા છે.
