હાલોલ: કલા મહાકુંભ 2025-26નું તાલુકા કક્ષાનું આયોજન વી.એમ. શાહ ગુજરાતી મીડીયમ સ્કુલ હાલોલ ખાતે કરવામાં આવ્યું હતું. આ સ્પર્ધામાં લગ્ન ગીત, સમૂહ ગીત, રાસ, ગરબા, સુગમ સંગીત, હાર્મોનિયમ, ચિત્રકલા, લોકગીત, એકપાત્ર અભિનય, ભરતનાટ્યમ જેવી સ્પર્ધાઓ યોજવામાં આવી હતી જેમાં કલર શાળામાં અભ્યાસ કરતા વિદ્યાર્થીઓમાં A ગ્રુપમાં વય 6 થી 14,B ગ્રુપમાં 15 થી 20,C ગ્રુપમાં 21 થી 59 એ ભાગ લીધો હતો.
જેમાં શાળાના શિક્ષક નિખિલભાઇ પંચાલે સુગમ સંગીતમાં પ્રથમ ક્રમે, લગ્ન ગીત બી ગ્રુપમાં પ્રથમ, રાસ એ ગ્રુપમાં પ્રથમ, સમૂહ ગીત એ ગ્રુપમાં પ્રથમ, સુગમ સંગીત ઓપનમાં પ્રથમ, ગરબા બી ગ્રુપમાં પ્રથમ, હાર્મોનિયમ એ ગ્રુપમાં પ્રથમ, લગ્ન ગીત એ ગ્રુપમાં દ્વિતીય, લગ્ન ગીત ઓપનમાં દ્વિતીય, સમૂહ ગીત બી ગ્રુપમાં દ્વિતીય, સોલો એ ગ્રુપમાં દ્વિતીય, ચિત્ર એ ગ્રુપમાં દ્વિતીય અને ભરતનાટ્યમ માં પ્રથમ ક્રમાંક પ્રાપ્ત કર્યો છે.
આ પ્રથમ ક્રમાંક પ્રાપ્ત કરનાર બધા જ વિદ્યાર્થીઓ જે હવે જિલ્લા કક્ષાએ ભાગ લઈને કલરવ શાળાનું નેતૃત્વ કરશે આ અભૂતપૂર્વ સિદ્ધિ હાંસલ કરવા બદલ શાળાના આચાર્ય ડો. કલ્પનાબેન જોષીપુરા અને શાળાના ટ્રસ્ટી હાર્દિકભાઈ જોશીપુરાએ બધા જ વિદ્યાર્થીઓને અભિનંદન આપીને જિલ્લા કક્ષાએ પોતાનું અને શાળાનું નામ રોશન કરે તેવી શુભકામનાઓ પાઠવી હતી.
