સાવલી:
સાવલી પોલીસે દેશની સેનાના પરાક્રમને બિરદાવવાના બદલે પ્રજામાં ભય અને ગભરાટ પેદા થાય તેવા હેતુથી વિડિયો પોસ્ટ કરવાના આરોપસર ૬૩ વર્ષીય ઈસમની ધરપકડ કરીને જેલભેગો કર્યો છે.
આતંકવાદી હુમલા બાદ તણાવ ભરી સ્થિતિ ને દેશ દેશ શહેર અને રાજ્યનું વાતાવરણ ન ડહોળાય તે માટે સોશિયલ મીડિયા પર ભડકાઉ ભ્રામક અને ભ્રમિત કરનાર પોસ્ટ કે લખાણ વાયરલ ન કરવા સરકાર તરફથી આદેશના પગલે પોલીસ સતત સોશિયલ મીડિયા પર વોચ રાખી રહી છે. તેવામાં સાવલીના સત્તારમીયા નાસીર મિયા શેખે ફેસબુક પર દેશના વડાપ્રધાન અને દેશના ઝંડાનો વાંધાજનક વિડીયો રિપોસ્ટ કર્યો હતો
આધારભૂત સૂત્રો દ્વારા મળતી માહિતી મુજબ ઉત્તર પ્રદેશના કોઈ ઈસમે કરેલી ઉશ્કેરનીજનક પોસ્ટને સત્તાર શેખે રિપોસ્ટ કરી હતી.
આમ સોશિયલ મીડિયા પર ઉશ્કેરણીજનક પોસ્ટ કરનાર તત્વો વિરુદ્ધ પોલીસે લાલ આંખ કરી છે.
