શિનોર: શિનોરના તેરસા ગામેથી ગુમ થયેલા બાળકોનું શિનોર પોલીસે બાળકોના મા બાપ સાથે મિલન કરાવ્યુ છે. વાહન ચાલકોને હાથ કરતા વાહન ચાલકો લિફ્ટ આપી બાળકોને વાહનમાં બેસાડી આગળ આગળ ના સ્ટેન્ડ સુધી છોડતા હતા. આ રીતે કોઈ વાહનમાં બાળકો આગળ નીકળી ગયા હતા. પોલીસ રાત દિવસ ગુમ થયેલા બાળકોની શોધ કરી રહી હતી. શ્રમિક પરિવાર દ્વારા બાળકો ગુમ થયાની શિનોર પોલીસે ફરિયાદ લઈ પોલીસે સી સી ટી વી ફૂટેજ ના આધારે ગુમ બાળકોની શોધખોળ હાથ ધરી હતી. છેલ્લા 4 દિવસથી બાળકો ક્યાંક જતાં રહેતા પરિવારજનો ચિંતિત હતા. 10 અને 11 વર્ષ ના બે બાળકો ગુમ થયા હતા. છેલ્લા 20 દિવસથી શ્રમિક પરિવાર શિનોરના તેરસા ગામે રહીને ખેતરો માં કામ કરી પોતાનું પરિવારનું પેટ ભરતા હતા.
તેરસા ગામ ના ખેડૂત પિયુષ પટેલને ત્યાં શ્રમિક પરિવાર છૂટક મજૂરી કામ કરતા હતાં. ગૂમ બાળકોના ફોટા કે કોઈ ઓળખ પ્રૂફ ના હોવાથી શોધવામાં પોલીસ ને મુશ્કેલી નો સામનો કરવો પડ્યો હતો. આખરે બાળકો મળી આવતા પરિવાર સાથે મિલન કરાવાયું હતું.
