રાવપુરા જોગી વિઠ્ઠલદાસની પોળમાં કાંકરીચાળો
ગત રવિવારે શહેરના નાગરવાડા વિસ્તારમાં આવેલા મહેતા વાડીમાં હિન્દુ મુસ્લિમ યુવકો વચ્ચે ની મારામારી બાદ પૂર્વ નગર સેવક રમેશચંદ્ર પરમાર ઉર્ફે રાજાભાઇ પરમારના એકના એક પુત્ર ની વિધર્મી માથાભારે ઇસમ દ્વારા કરપીણ હત્યા કરી દેવામાં આવી હતી જેની મંગળવારે અંતિમયાત્રા નીકળી હતી.આ બનાવના ઘેરા પ્રત્યાઘાત પડયા છે અને સોમવારે તથા ત્યારબાદ મંગળવારે રાત્રે શહેરના રાવપુરા વિસ્તારમાં આવેલા જોગી વિઠ્ઠલદાસ ની પોળમાં કાચની બોટલો ફેંકી કાંકરીચાળો કરતાં શહેરની શાંતિમા પલિતો ચાપવાનો કેટલાક અસામાજીક તત્વો દ્વારા પ્રયત્ન કરવામાં આવ્યો હતો.
છેલ્લા બે દિવસથી રાત્રે જ આ કૃત્યથી હવે સ્થાનિકોમાં ભયનું વાતાવરણ ફેલાયું છે ત્યારે રાવપુરા પોલીસ તથા ડીસીપી પન્ના મોમાયા સહિતના ઉચ્ચ અધિકારીઓ ઘટનાસ્થળે પહોંચી ગયા હતા અને સઘન બંદોબસ્ત ગોઠવી તપાસ હાથ ધરી છે ત્યારે સ્થાનિકો દ્વારા અહીં કોમ્બિગ હાથ ધરવા તથા પોલીસ પેટ્રોલિંગ સહિત બંદોબસ્ત ની માંગણી કરવામાં આવી છે.ઘટનાને પગલે સ્થાનિક નગરસેવકો પણ દોડી આવ્યા હતા
