કાર ચાલકે યુવકને અડફેટે લઇ અકસ્માત સર્જી ફરાર થયો હતો..
સમગ્ર ઘટના અંગે પોલીસ દ્વારા નજીકના સીસીટીવી કેમેરામાં શોધવાની કવાયત હાથ ધરાઇ
વડોદરા શહેરમાં શુક્રવારે બપોરે પોણા બે વાગ્યાની આસપાસ પૂર્વ વિસ્તારમાં આવેલા પરિવાર ચારરસ્તા નજીક એક પૂરઝડપે આવેલ કારે ચાલતા જતાં અજાણ્યા યુવકને અડફેટે લ ઇ ફરાર થઇ ગયો હતો. આ ઘટનામાં અજાણ્યા યુવકનું ઘટનાસ્થળે જ કમકમાટીભર્યું મૃત્યુ નિપજયું હતું.
શહેરના પૂર્વ વિસ્તાર વાઘોડિયારોડ વૃંદાવન ચારરસ્તા થી સોમાતળાવ તરફ જવાના મુખ્ય રોડપર પરિવાર ચારરસ્તા થી પહેલાં એમજીવીસીએલ કચેરી તરફ જતાં ચારરસ્તા પાસે શુક્રવારે બપોરે અંદાજે પોણા બે વાગ્યાની આસપાસ એક અજાણ્યા આશરે 30 થી 35 વર્ષીય વ્યક્તિ ચાલતાં જતો હતો તે દરમિયાન એક અજાણ્યા પૂર ઝડપે વૃંદાવન ચારરસ્તા તરફથી આવેલી કાર ચાલકે કાર ગફલતભરી રીતે ચલાવી આ યુવકને અડફેટમાં લઇ અકસ્માત સર્જી ફરાર થઇ ગયો હતો જેમાં યુવકનું ઘટનાસ્થળે કમકમાટીભર્યું મોત નિપજ્યું હતું ઘટનાને પગલે લોકટોળા ભેગાં થઇ ગયા હતા અને કપૂરાઇ પોલીસને જાણ કરતાં કપૂરાઇ પોલીસે ઘટનાસ્થળે દોડી આવી મૃતકનુ પંચકાસ કરી એમ્બયુલન્સ મારફતે પોસ્ટમોર્ટમ અર્થે એસ.એસ.જી.હોસ્પિટલમાં ખસેડ્યો હતો તથા અકસ્માતનો ગુનો નોંધી ઘટના અંગેઆસપાસના સીસીટીવી કેમેરા તથા લોકોની પૂછપરછ સાથે ફરાર કારચાલક ની તપાસ શોધખોળ હાથ ધરી છે. મૃતકની ઓળખ છતી થઇ શકી ન હતી.
