માંડવી પાસે વિજય વલ્લભ હોસ્પિટલ પાછળ સિટી પોલીસે રેડ કરી, આઇડી આપનાર વોન્ટેડ
પ્રતિનિધિ વડોદરા તા.14
હાલમાં વિવિધ ટીમો વચ્ચે આઇપીએલની ટી 20 ક્રિકેટ મેચો રમાઇ રહી છે. ત્યારે રોજ કરોડોનો સટ્ટો રમાતો હોય છે. જેના કારણે પોલીસ સતત સટોડિયા પર વોચ રાખી રહી છે. દરમિયાન માંડવી વિસ્તારમાં વિજય વલ્લભ હોસ્પિટલ પાછળથી પોલીસે મોબાઇલ પર આઇડી દ્વારા ઓનલાઇન સટ્ટો રમાડતા સટોડિયાને ઝડપી પાડ્યો હતો. જ્યારે તેને સટ્ટો રમવા માટે આઇડી વેચનાર શખ્સ નહી પકડાતા તેને વોન્ટેડે જાહેર કરાયો છે.
વડોદરા શહેરમાં હાલમાં ચાલી રહેલી આઇપીએલની ક્રિકેટ મેચ પર રોજ સટ્ટો રમાઇ રહ્યો છે. વિવિધ વિસ્તારોમાં ઘણા લોકો મોબાઇલ પર આઇડી દ્વારા સટ્ટો રમતા હોય છે. જેથી સિટી પોલીસ સટોડિયાઓને પકડવા માટે વિસ્તારમાં 13 એપ્રિલના રોજ પેટ્રોલિંગમાં હતી. તે દરમિયાન માંડવી પાસે પહોંચેલા પોલીસ કર્મચારીઓને બાતમી મળી હતી કે વિજય વલ્લભનાકા ભેંસવાડા પાસે એક શખ્સ હાલમાં ચાલી રહેલ આઇપીએલ ટી 20 ક્રિકેટ મેચની લખનઉ સુપર ઝયન્ટસ તથા ગુજરાત ટાઇટન્સની ક્રિકેટ મેચ પર સટ્ટો મોબાઈલમા ઓનલાઇન આડી દ્વારા રમાડે છે. જેના આધારે પોલીસે બાતમી મુજબના સ્થળ પર જઈને રેઇડ કરતા મોબાઈલ સાથે સટોડિયો ઝડપાઈ ગયો હતો. તેના મોબાઇલમાંથી મળી આવેલી આઇડી બાબતે પોલીસ દ્વારા તેની પૂછપરછ કરવામાં આવી હતી ત્યારે તેણે પોતાનું નામ મોહમદ ઇદ્રીસ મોહમદ મુનાફ આરેસીનવાલા (રહે. બી-ટાવર અહેમદ પાર્ક રામપાક, આજવા રોડ, વડોદરા) હોવાનુ જણાવ્યું હતું. ઉપરાંત તેણે સટ્ટો રમવા માટે ઓનલાઇન આઇડી કેવી રીતે કોની પાસેથી મેળવ્યું હતું. ત્યારે તેણે અનવેસ મેમણ પાસેથી આઈડી ખરીદી હોવાનું જણાવ્યું હતું. આઇડી દ્વારા ક્રિકેટ સટો રમી રમાડી કમિશન મેળવતા સટોડિયાની ધરપકડ કરાઇ હતી. પોલીસે આરોપી પાસેથીરૂ. 13 હજારનો મોબાઈલ કબજે કરી આઈડી આપનાર અવનેશ મેમણને વોન્ટેડ જાહેર કરી તેની શોધખોળ શરૂ કરી છે.
