વડોદરા શહેર પોલીસ કમિશનર નરસિમ્હા કોમાર, એસીપી પ્રણવ કટારીયા અને મકરપુરા પોલીસ મથકના પોલીસ ઇન્સ્પેકટર જયેશ પરમાર નાના આરોપીઓને પકડીને પોતાની પીઠ થપથપાવી રહ્યા છે. પરંતુ છેલ્લા એક મહિનાથી મકરપુરા પોલીસ મથક હદ વિસ્તારમાં આવેલ 10 સોસાયટીના રહીશો ચડ્ડી બનીયાનધારી તસ્કરો આતંક મચાવી રહ્યા છે. પરંતુ આ ત્રણેવ પોલીસ અધિકારી વિસ્તરામાં સબ સલામત હોવાની બાંગો પોકારી રહ્યા છે. રહીશો પોલીસ નિષ્ક્રીય છે તેવો આક્ષેપ કરી રહ્યા છે. રહીશોના જણાવ્યા અનુસાર આ અંગે ઘણી વાર મકરપુરા પોલીસ મથકમા જાણ કરી આ અંગે ઘણી વાર મકરપુરા પોલીસ મથકમા જાણ કરી છતાં પણ પોલીસ અમારા વિસ્તારમાં નાઇટમાં પેટ્રોલિંગ કરાવતા નથી. હવે તો અમારે જાતે જ અમારા વિસ્તારની રખેવાલી કરવી પડશે જ્યારે જોઇએ ત્યારે ચડ્ડી બનીયાનધારી તસ્કરો હાથમાં મારક હથિયાર જોડે આવતા હોય, જેને લઈને તેમને પડકાર ફેંકતા પણ એક વાર અમારે વિચાર કરવો પડે છે. સીસીટીવી કેમેરામાં 4 જેટલા ચડ્ડી બનીયાનધારી તસ્કરો અલગ અલગ એક બાદ એક સોસાયટીના મકાનના કમ્પાઉન્ડમાં પ્રવેશ કરીને લોક તોડવાનો પ્રયાસ કરે છે.
ચડ્ડી બનીયાનધારી તસ્કરોના હાથમાં મોટા મોટા પથ્થર તેમજ મારક હથિયારો હતાં. પરંતુ જાંબાઝ એક સોસાયટીના સિક્યુરીટીએ તેમને પડકાર ફેકતાં સીક્યુરીટી સાથે ઝપાઝપી કરતા ચડ્ડી બનીયાનધારી તસ્કરોનાના દ્રશ્યો કેમેરામા કેદ થયા હતા. સોસાયટીના રહીશોએ ભેગા થઈને પોલીસ તંત્ર સામે વિરોધ વ્યક્ત કર્યો હતો અને પોલીસ આ ચડ્ડી બનીયાન ધારી તસ્કર સામે રક્ષણ આપે તેવી માગ કરી હતી.
