આણંદ ફાયર ટીમની ત્વરિત કાર્યવાહીથી અનેક જીવ બચ્યા
આણંદ.
આણંદ અને નડિયાદ વચ્ચે આવેલા ભુમેલ ગામ પાસે નેશનલ હાઈવે પર બુધવાર સવારે ખાનગી બસ માં આગ લાગવાનો બનાવ બન્યો હતો.
કરમસદ – આણંદ ફાયર એન્ડ ઈમર્જન્સી સર્વિસીસના કંટ્રોલ રૂમમાં સવારે ટેલિફોનિક જાણ મળી કે, નેશનલ હાઇવે પર ભૂમેલ રેલ્વે બ્રિજ પાસે પેસેન્જર ભરેલી લક્ઝરી બસમાં આકસ્મિક આગ લાગી છે. આ બસ પાવાગઢથી બાવળા તરફ જતી હતી અને તેમાં અનેક મુસાફરો સફર કરી રહ્યા હતા. આ અણધારી ઘટનાએ તાત્કાલિક ત્રાસદીની આશંકા જગાવી દીધી હતી, જેમાં બસના ચાલક અને મુસાફરોને ત્વરિતપણે બહાર કાઢવાની કાળજી લેવામાં આવી.
આ મેસેજ મળતાં જ ફાયર ઓફિસર ધર્મેશ ગોરની સૂચના પર કરમસદ આણંદ ફાયર વિભાગના ફાયર ડ્રાઈવર અવિનાશ પરમાર, લોડિંગ ફાયરમેન પ્રદીપ પરમાર અને ફાયરમેન મુકેશ પરમાર તથા બે ટ્રેઈન્ડ ફાયરમેન સાથે ફાયર ફાઈટર વાહન લઈને ઘટનાસ્થળે પહોંચ્યા હતાં. તેઓએ ત્વરિતપણે પાણીનો મારો ચલાવી આગને નિયંત્રિત કરી અને સંપૂર્ણપણે બુઝાવી દીધી હતી. આ આગમાં કોઈપણ પ્રકારની જાનહાનિ થયાનો કોઈ રિપોર્ટ નથી, જે ફાયર ટીમની ઝડપી અને અસરકારક કાર્યવાહીનું પ્રતિબિંબ છે. આ ઘટના વાહનોની નિયમિત તપાસ અને સલામતીનો મુદ્દો ઉઠ્યો હતો.
