વડોદરાના લક્ષ્મીપુરા વિસ્તાર માં ટેસ્ટ ઓફ વડોદરાનો પ્રોગ્રામ આયોજિત થયો છે. ત્યાં મસમોટા સ્પીકર પર ગીતો અને ડિસ્કો લાઈવ પણ થતું હોય છે . ત્યાં સાંજ પડે લોકો મનોરંજન અને ખાણી પીણીની મોજ માણવા આવતા હોય છે. લક્ષ્મીપુરા વિસ્તાર ના નગરજનો ની ફરિયાદ છે કે અમે આ ઘોંઘાટથી કંટાળી ગયા છીએ. અમે શાંતિ થી સૂઈ શકતા નથી. અહી આસપાસ ઘણા સિનિયર સિટીઝન પણ રહે છે , જે આ અવાજના પ્રદુષણ થી પૂરતી ઉંઘ લઈ શકતા નથી. માટે આ ટેસ્ટ ઓફ વડોદરા બંધ થવું જોઈએ એવી અમારી માંગ છે.
વિરોધ વધતા પોલીસ નો કાફલો પણ લક્ષ્મીપુરા પહોંચ્યો હતો . ત્યાં અવાજ માપવાના યંત્ર થી અવાજ ચકાસતા માન્ય સ્તર કરતા વધારે જણાયો હતો. પોલીસ જો પગલાં નહિ લે તો રહીશોએ કોર્ટમાં જવાની ચીમકી પણ આપી છે.
