હાલોલ:
ગુજરાત સરકારના શહેરી વિકાસ અને શહેરી ગૃહ નિર્માણ વિભાગ દવારા ૨૯ નગર પાલિકાઓના ચીફ ઓફિસરોની થયેલી સામૂહિક બદલીઓના હુકમોમા હાલોલમા પ્રતિબંધિત પ્લાસ્ટિક ઉત્પાદકો સામે અભિયાન છેડનારા તેમજ બેખોફ ડિમોલિશન કરનાર તરીકે જાણીતા બનેલા હાલોલ નગર પાલિકાના ચીફ ઓફિસર હિરલબેન ઠાકરની ચોટીલા ખાતે બદલી કરવામાં આવી છે. જયારે ડીસાથી ગૌરાંગ પટેલને હાલોલ નગર પાલિકાના ચીફ ઓફિસર તરીકે મૂકવામાં આવ્યા છે.
જો કે હાલોલ પાલિકાના ચીફ ઓફિસર હિરલબેન ઠાકરની બદલીની ખબરો સાંભળી ને હાલોલ ન.પાલિકાના જન પ્રતિનિધિઓ ખુશ થયા છે. કેમકે આ ચીફ ઓફિસર હિરલબેન ઠાકર ના “વન મેન શો” જેવા વહીવટોથી આ નગરસેવકો સંપૂર્ણ પડદા પાછળ ધકેલાઇ ગયા હતા. આ શાસકોએ બદલીની ખબરોના પગલે અંદરખાને હાશકારો અનુભવ્યો છે.
સાથોસાથ હાલોલ ઔદ્યોગિક વસાહતમા ગેરકાયદે ધમધમતા પ્રતિબંધિત પ્લાસ્ટિક ઉદ્યોગના એકમો ઉપર રેડ ની કાર્યવાહીઓ હોય કે તળાવ ફરતે શોપિંગ સેન્ટર ની દુકાનો ઉપર બુલડોઝરો ફેરવી દઈ ને વ્યાપારીઓને બેરોજગાર બનાવી દેવાની ચીફ ઓફિસર હિરલબેન ઠાકરની ડિમોલિશન કાર્યવાહી સામે ભલભલા ધુરંધરો અંદરખાને એમ કહેતા હતા કે ચીફ ઓફિસર કોઈનું સાંભળતા નથી. તો જે પ્રમાણે રાજકીય માહોલ સર્જાયો હતો તે જોતા આ ધુરંધરોને પણ ચીફ ઓફિસર હિરલબેન ઠાકર બદલીના હુકમ ને લઈને અંદરખાને રાહતો થઈ હશે.
જો કે હાલોલ ન.પાલિકા ચીફ ઓફિસર હિરલબેન ઠાકર દવારા એક સપ્તાહથી પૂર ઝડપે હાથ ધરેલા ડિમોલિશનની કાર્યવાહીઓના પગલે વ્યાપારીઓની નજરો સામે તેઓના વ્યાપારો ઉપર બુલડોઝરો ફેરવીને બેરોજગાર બનાવી દીધા હોવાના દર્દનાક ચિત્કારો વચ્ચે રાજકીય ધૂરંધરો કશું જ કરી શક્યા ન હતા. પરંતુ હવે ચીફ ઓફિસર હિરલબેન ઠાકર ની બદલી થતાં બેરોજગાર થઈ ગયેલા વ્યાપારીઓની પડખે હોવાનાની લાગણીઓ સાથે પડદા પાછળથી બહાર આવશે ની ચર્ચાઓ પણ સમાંતરે શરૂ થવા પામી છે.
નગર પાલિકાના મુખ્ય અધિકારી દ્વવારા છેલ્લા છ માસ થી આરંભેલ પ્રતિબંધિત પ્લાસ્ટિક ના ઉત્પાદન પર લાલ આખ કરી ખુબ મોટી સંખ્યાના ઉત્પાદક એકમો પર છાપાઓ મારી અધધ ટન પ્રતિબંધિત પ્લાસ્ટિક કરોડો રૂપિયાનો મુદ્દામાલ જપ્ત કરવામાં આવ્યો હતો. પ્રતિબંધિત પ્લાસ્ટિક મુક્ત હાલોલ બનાવની નેમ સાથે આગળ વધી રહેલા મુખ્ય અધિકારીની સામુહિક બદલીઓમાં બદલી થતા આ કાર્યવાહી આવનાર સમયમાં આ કાર્યવાહી આગળ ધપશે કે કેમ તે અંગેની ચર્ચાએ નગર માં જોર પકડ્યું છે.
