પ્રતિનિધિ વડોદરા તા.11
જાણીતા ક્ન્ઝયુમર એક્ટિવિસ્ટ પી વી મુરજાણીનો આપઘાત કેસ વધુને વધુ પેચીદો બની રહ્યો છે. સ્યુસાઇડ નોટમાં તેમની માનેલી દીકરી તથા તેની માતાના અતિશય ત્રાસના કારણે આપઘાત કર્યો હોવાનો ઉલ્લેખ છે અને બંને માતા-પુત્રી પણ સતત નાસતા ફરે છે. ત્યારે તેમની અલગ અલગ સ્થળ પર ભાગવા સહિતનું વિવિધ માર્ગદર્શન આપવા માટે કોઇ અલગ માસ્ટર માઇન્ડ ભેજુ કામ કરી રહ્યું છે ત્યારે પોલીસ હાલમાં આ માસ્ટર માઇન્ડ કોણ છે તેની તપાસ શરૂ કરી રહી છે.
કારેલીબાગ વિસ્તારમાં જાણીતા કન્ઝ્યુમર એક્ટિવિસ્ટ પી વી મુરજાણી વાઘોડિયા રોડ પર નારાયણ ડુપ્લેક્ષમાં રહેતા હતા. તેઓને સંતાનમાં કોઇ બાળક ન હોય કોમલ સિકલીગરને પોતાની દીકરી તરીકે માની હતી. કોમલ તેમની માતા સાથે રહેતી હતી અને તેમનું સંપૂર્ણ રીતે પાલણપોષણ તથા મોજશોખ પણ પુરષોત્તમ મુરજાણી જ પુરા કરતા હતા. દરમિયાન તાજેતરમાં તેઓ તેમની દીકરીને મર્સીડીઝ લઇને આપી હતી અને આ કારમાં તેમની પત્ની જાગૃતિને બેસાડતી કોમલ અને તેની માતા ભડક્યા હતા અને એક્ટિવિસ્ટને ફોન પર ગાળો આપી તુ તારી પત્નીને નહી છોડે તો તારા વિરુદ્ધ બળાત્કારની ફરિયાદ નોંધાવી તેવી ધમકી આપી હતી. દરમિયાન પોતાના કેરીયરમાં દાંગ લાગશે તેવી ડરતથી મુરજાણીએ 8 નવેમ્બરના રોજ રાત્રીના સમયે પોતાના બંગ્લામાં બીજા માળે સર્વિસ રિવોલ્વરમાંથી લમણ ગોળી મારી આપઘાત કરી લીધો હતો. ત્યારે પત્ની સહિતના તેના પરિવાર દ્વારા લાશનો કંબજો મેળવીને અંતિમ વિધિ પુરી કરી નાખી છે. ત્યારે આગામી દિવસોમાં ફરિયાદ નોંધાવશે. એક્ટિવિસ્ટના આપઘાત બાદ કોમલ અને તેમની માતા સંગીતા ફરાર થઇ ગયા છે. સુત્રોમાંથી જાણવા મળ્યા મુજબ તેઓ દાહોદ ભાગી ગયા હોવાનું જાણવા મળી રહ્યું છે. આપઘાત બાદ માતા પુત્રીમાં ગભરાઇ ગયા છે. પરંતુ કોમલને ક્યાં ભાગવાનું, આગળ શુ કરવાનું છે તેનું સંપૂર્ણ માર્ગદર્શન માસ્ટર માઇન્ડ ભેજુ કામ કરી રહ્યું છે. જેથી પોલીસ દ્વારા આ માસ્ટર માઇન્ડ કોણ છે અને ક્યાં રહીને તેમને તમામ ડિટેઇલ આપી રહ્યા છેતેની શોધખોળ કરાઇ રહી છે.
– મૃતક મુરજાણી, કોમલ તથા તેની માતા સંગીતાના ફોન કોલની માહિતી મંગાવાઇ
કન્ઝ્યુમર એક્ટિવિસ્ટ પી વી મુરજાણીના આપઘાત બાદપોલીસે ઘટના સ્થળ પર પહોંચી ગઇ હતી અને મૃતક એક્ટિવસ્ટનો મોબાઇલ સહિત અન્ય સેમ્પલ લઇને એફએસએલમાં મોકલવામાં આવ્યા છે. ત્યારે પોલીસ દ્વારા હાલમાં મુરજાણી માનેલી દીકરી કોમલ અને તેની માતાના મોબાઇલ નંબરના આધારે તેમની ડિટેઇલ કઢાવવામાં આવ્યા છે.
