આસોજ બ્રિજ નજીક આસોજ -મુકુદનગર વચ્ચે ગાડી પર ઝાડ પડતાં પાંચમા થી ચાર ઇજાગ્રસ્ત થયા હતા ઇજાગ્રસ્તને સારવાર અર્થે એસ એસ જી હોસ્પિટલમાં ખસેડવામાં આવ્યા
મંજૂસર જીઆઇડીસીમાં આવેલી પ્લુગા ઇલેક્ટ્રિક કંપનીમાં ફરજ બજાવતા પાંચ કામદારો ખાનગી ફોરવ્હિલરમા બેસી વડોદરા તરફ આવી રહ્યા હતા તે દરમિયાન આસોજ – મુકુદનગર વચ્ચે કાર પર ઝાડ પડતાં એકનું મોત નિપજ્યું હતું જ્યારે ચારને નાની મોટી ઇજાઓ પહોંચતા તમામને એસ.એસ.જી.હોસ્પિટલ ખાતે સારવાર અર્થે ખસેડવામાં આવ્યા હતા.
વડોદરા જિલ્લાના મંજુસર જીઆઇડીસીમાં આવેલ પ્લુગા ઇલેક્ટ્રિકલ કંપનીમાં કામ કરતાં પાંચ કામદારોને ખાનગી અલ્ટો કારમાં પરત વડોદરા પોતાના ઘરે પાછા ફરતી વખતે આસોજ બ્રિજ નજીક આસોજ -મુકુદનગર વચ્ચે અકસ્માત નડ્યો હતો. અલ્ટો કારમાં બપોરે આશરે અઢી વાગ્યે પરત ફરી રહેલા પાંચ કામદારો અને આસોજ -મુકુદનગર વચ્ચે કાર ઉપર ઝાડ પડતા અકસ્માત નડ્યો હતો. અકસ્માતમાં ઘટના સ્થળે જ એક કામદાર જેમનું નામ દિનેશભાઇ હોવાનું જાણવા મળ્યું છે તેઓનું મોત નીપજ્યું હતું. જ્યારે અન્ય ચારને નાની મોટી ગંભીર ઇજાઓ પહોંચતા 108 મારફતે એસએસજી હોસ્પિટલ ખસેડાયા હતા. ઘટનાની જાણ કંપની સત્તાધીશોને કરવામાં આવતા કંપની સત્તાધીશો પણ એસએસજી હોસ્પિટલ દોડી આવ્યા હતા.
